+7 (777) 001 44 99
ПОДЕЛИТЬСЯ
4 тамызда Жамбыл мен Алматы облыстарында қатты жел соғады деп күтіледі, - деп хабарлайды Tengrinews.kz Алматы қаласының ТЖД-ның баспасөз қызметіне сілтеме жасап. "Қазгидромет" РМК-ның ескертуі бойынша, екі облыста жел оңтүстік-батыстан соғады, желдің күші секундына 18-23 метр, екпіні 30 метрден асады.
4 тамызда Жамбыл мен Алматы облыстарында қатты жел соғады деп күтіледі, - деп хабарлайды Tengrinews.kz Алматы қаласының ТЖД-ның баспасөз қызметіне сілтеме жасап. "Қазгидромет" РМК-ның ескертуі бойынша, екі облыста жел оңтүстік-батыстан соғады, желдің күші секундына 18-23 метр, екпіні 30 метрден асады.
Құтқарушылар қатты жел кезінде үйдің барлық есік пен терезелерін нықтап жабуға кеңес береді. Сонымен қатар, балкон мен лоджилерден сыртқа құлап кетуі мүмкін барлық заттарды алып тастау керек.
"Дауыл кезінде далада болып қалсаңыз жарнамалық және өзге де конструкциялар, ағаштардан, тоқ желілерінен алыс жүру керек. Төтенше жағдайдан аман болу үшін барынша сақ болу қажет", - дейді Алматының ТЖД өкілдері.
Қатты жел кезінде жақын маңдағы ғимаратқа тығылу керек (дүкен, сауда үйі, кинотеатр, үйдің кіре берісі). Сонымен бірге, биік ағаштар астына көліктерді қоймаған жөн. Шіріген, қураған жалғыз ағаштар маңында қауіп артады.
Алматы қаласы ТЖД өкілдері төтенше жағдай кезінде абай болып, 112 телефоны арқылы жедел қызметке хабарласуға кеңес береді.
