Алматы облысында жол құрылысына қатысты дау шықты

18 Сәуір, 09:04
0
Алматы облысында жол құрылысына қатысты дау шықты - Видеодан алынған кадр © КТК
Видеодан алынған кадр © КТК

Алматы облысындағы Алтын Орда базары маңайындағы жол құрылысына қатысты үлкен дау шықты, - деп хабарлайды КТК телеарнасы.

Жұмыстың қарқыны баяу деп шағымданған көлік жүргізушілері айналма жолдың зардабын тартып отырғанын айтады. Жолда сағаттап тұрудан шаршағандар айналма өткелге уақытша асфальт төсеп беруді талап етіп жатыр. Алайда мердігер компания бұған қаржы қарастылмағанын айтып, ауызды қу шөппен сүртіп отыр.

Телеарнадағылардың мәліметінше, Алматы-Бішкек тасжолының Алтын Орда базары маңайындағы 4 шақырымға жуық құрылыс жұмысына 9 миллиард теңгеден аса қаржы бөлінген. Бірақ қалаға кіретін басқа жол таппаған жүргізушілер айналма жолдың сиқына наразы.

"Шамалы сабыр керек енді. Ауа-райы толық жұмыс істеуге мүмкіндік бермей жатыр. Амандық болса жақында жасап береміз, халық риза болатын шығар. Осы тұрғанда көріп жатырсыз, грейдер тегістеп жатыр", - дейді мердігер компания өкілі Зор Нұрсадықов.

Алайда жүргізушілер бұған дейін жол тегістейтін көлік көрмедік дейді. Мамандар айналма жолға еш қаржы бөлінбегенін айтады.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай