Алматы облысында педофилден аман калған 8 жастағы қыз ауруханадан шығарылады

26 Сәуір 2017, 09:19
0
Алматы облысында педофилден аман калған 8 жастағы қыз ауруханадан шығарылады - © ardkb.kz
© ardkb.kz

Түргенде педофилдің құрығына түсе жаздаған 8 жастағы қыздың денсаулығы оңалды. Дәрігерлер оны үйіне шығармақ, - деп хабарлайды "Алматы" телеарнасы.

"Бізде нейрохирург қарады, невропатолог қарады, педиатр. Бәріміз консилиум құрдық. Міндетті түрде психолог күніге сол қызбен жұмыс істеп, психологиялық көмек берді. Қазір қыздың жағдайы жақсы. Ауруханадан шығарайын деп жатырмыз. Үйіне шыққаннан кейін өзі бақылауда болу керек. Невропатолог және психолог дәрігеріне қаралу керек", - деді Алматы аймақтық балалар клиникалық ауруханасының бас дәрігері Ролан Нұрбаев.

Кішкентай қыздың ауруханаға жеткізілгенде жағдайы тым ауыр болған. Басы жарақаттанып, миы шайқалған. Бұған қоса, қос жанарына да зақым келген. Телеарнаның мәліметінше, ақ халаттылар консилиум құрып, өскінді жіті тексерістен өткізіпті. Еске сала кетейік, жантүршігерлік оқиға 14 сәуірде Алматы облысына қарасты Түрген ауылында болған. 8 жастағы кішкентай қызға 32 жастағы ер адам шабуыл жасап, оны сайға апарып зорламақ болыпты. Абырой болғанда, бұл арам пиғылы жүзеге аспай қалды. Маңайдан өтіп бара жатқан 11-сынып оқушысы жасөспірім қызды педофилдің құрсауынан құтқарып қалған. Ал кейінірек 8 жастағы қыздың жағдайының сараптама қорытындысы белгілі болған еді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай