1. Басты
  2. Біл
  3. Жаңалықтар
  4. Ел жаңалықтары

Алматы облысындағы таулы өзендерде су деңгейі көтерілуі мүмкін

© Tengrinews.kz © Tengrinews.kz

Синоптиктер ертең, 3 шілдеде Алматы облысының таулы өзендерінде су деңгейі көтерілуі мүмкін екенін ескертті, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап. 

"3 шілдеде күндіз жаңбыр жаууына байланысты кей жерлерде Алматы облысының таулы өзендерінде су деңгейі көтерілуі мүмкін", - делінген хабарламада.

Осыған дейін синоптиктер алдағы күндері Қазақстанның бірнеше өңірінде 41 градусқа дейін ыстық болатынын хабарлаған еді. "Антициклонның шығысқа жылжуына қарай республиканың солтүстік, орталық және оңтүстік облыстарында ыстық және құрғақ ауа райы күтіледі. Бұл аймақтардағы күндізгі температура плюс 30…35 градусқа дейін, оңтүстікте және орталықта 37…41 градусқа дейін, әдеттегіден 4…7 градусқа жоғары жоғарылайды", - деген еді "Қазгидромет" мамандары.