Алматы-Талдықорған тасжолы ақылы болады: Әкімдік түсінік берді

16 Мамыр 2018, 13:54
0
© Тұрар Қазанғапов
© Тұрар Қазанғапов

Алматы-Талдықорған тасжолы ақылы болады, - деп хабарлайды Tengrinews.kz тілшісі.

Бүгін, 16 мамырда Талдықорғанда республикалық Алматы-Талдықорған тасжолында төлем терминалын салу жөнінде қоғамдық тыңдалым өтеді.

"Алматы облысы мен Талдықорған жүргізушілерінің назарына! Қаладан шығаберіс жерде Алматыға қарай өтетін жол ақылы болады деп жоспарланып отыр. Бүгін сағат 16.00-де осы мәселе бойынша отырыс өтеді. Келіңіздер!",- делінген әлеуметтік желілердегі топтардың бірінде таралған хабарламада.

Бұл мәліметті "ҚазАвтоЖол" АҚ облыстық филиалының өкілдері растады.

Ведомство мәліметінше, қазіргі уақытта жобалау процесі жүріп жатыр, ал кейінірек терминалға қатысты жоба халықпен талқыланады.

Облыстық әкімдік өкілдерінің мәліметінше, тасжол 2019 жылы терминал құрылысы аяқталған соң ғана ақылы болады. 

"Бүгін жоба жайлы әңгімелесеміз. Тариф жайлы әзірше қарастырмаймыз. Бірақ дегенмен басқа өңірлердегі тәжірибелерді ескеретін боламыз", -  деп хабарлады Алматы облысы әкімі баспасөз қызметінің басшысы Ғалымұрат Жүкел.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай