1. Басты
  2. Біл
  3. Жаңалықтар
  4. Ел жаңалықтары

Алматы зообағында үш қыз ұсталды

Жексенбіде, 24 шілдеде Алматы зообағында полицейлер мекеменің абыройына нұқсан келтіретін қағаз таратқан үш қызды ұстады. Бұл туралы Tengrinews.kz тілішсіне зообақтың директоры Қанат Кәрімов хабарлады.

"Шамамен 15.00-де зообақтың орталық қақпасының алдында үш қыз келушілерге арасында қағаз таратты. Олардың бірі Өзбекстан азаматшасы болып шықты. Қағазда зообақ жайлы жақсы емес мәліметтер болды. Оларды күзетшілер ұстады, біз полицияға арыз жаздық, кейінгі шараларды құқық қорғау органдары жүргізіп жатыр. Біз арыз жазуға мәжбүр болдық. Олардың бұл әрекетке не үшін барғаны бізге белгісіз. Мұны тергеу шешеді. Бұл қағаздарда зообақтың абыройына нұқсан келетін мәліметтер болды. Өз басым қағазды оқымадым. Қағаз таратушылар зообақ алдында, бізге келетін аллеяда тұрды. Бір қабат қағазы болыпты. Үш қыз - бірі славян ұлты, екеуі азиалық түр-кесіндегі қыздар", - деді Кәрімов.