Алматыда мектептерде кеңсе тауарлары мен мұғалімге сыйлыққа ақша жинауға бола ма?

27 Қыркүйек 2017, 17:13
0
Алматыда мектептерде кеңсе тауарлары мен мұғалімге сыйлыққа ақша жинауға бола ма? - © Tengrinews.kz
© Tengrinews.kz

Алматы қалалық білім басқармасы басшысының орынбасары Ләззат Жылқыбаева "Нұр Отан" партиясының аудандық филиалында өткен брифинг барысында ата-аналардың кеңсе тауарлары мен оқулықтарға ақша өткізгені заңды ма, жоқ па - осы мәселе жайында айтып берді, - деп хабарлайды Tengrinews.kz тілшісі.

Жылқыбаеваның айтуынша, мектепте кез келген ақша жинау дерегіне тыйым салынады.

"Мектептерде ақша жинауға тыйым салынады. Ол оқушының құралдарына байланысты болса да  - дәптерлер, кеңсе тауарлары, оқулықтар (...) Осындай деректер расталып жатса, мұғалімді жұмыстан қууға дейін қатаң шаралар қолданады", - деді Алматы қалалық білім басқармасы басшысының орынбасары.

Сондай-ақ, брифинг барысында оқушыға мұғалімге сыйлық алу үшін қанша ақша беруге болатыны айтылды.

Алматы қаласы бойынша Сыбайлас жемқорлыққа қарсы департаментінің өкілі Нұрбол Мекешовтің айтуынша, мұғалімге сыйлыққа жиналатын ақша екі айлық есептік көрсеткіштен аспауы тиіс. Яғни, сыйлық бағасы 5 мың теңгеден аспауы керек.

Өз кезегінде департамент өкілі соңғы үш жылда Алматының Білім басқармасы өкілдері жасаған қылмыстарды атады. 2015 жылы осындай екі дерек тіркелсе, 2016 жылы бір қылмыс тіркелген екен.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай