Алматыда "Оңай" жүйесіне наразылық білдірген халық қаладағы даңғылдардың бірін жауып тастады

21 Қаңтар 2016, 09:37
2
Алматыда "Оңай" жүйесіне наразылық білдірген халық қаладағы даңғылдардың бірін жауып тастады - © KTK
© KTK

Сәрсенбі, 20 қаңтар күні автобустағы электрондық төлем жүйесіне қарсы шыққан жүздеген жолаушы Алматыдағы ең үлкен даңғылдардың бірін жауып тастады, - деп хабарлайды КТК.

Жаңа төлем жүйесі облыста емес, тек Алматы қаласында енгізілгендіктен, қала маңындағы ауыл тұрғындары автобусқа міне алмай жүр.

"Саяхат" көлік бекетінің аялдамасында тұрған адамдар автобусты 2 сағат күткендерін айтады. Қоғамдық көліктер мұнда тоқтамайтын болған.

"Автобустар тоқтамайды, алты автобус өтіп кетті. Онда отыру мүмкін емес. "Оңайдың" кесірінен автобустар азайды", - деді жаңа төлем жүйесіне наразылық білдіргендердің бірі Назымгүл Дүйсенова.

Ақыры ашуға булыққандар "Оңайды алып тастасын" деген талаппен Райымбек даңғылының бойына шығып алды. Аяқасты жүздеген адам жолды жапқаны сол еді, ағылған көліктер иін тіресіп кептеліп қалды.

Сонымен қатар, жолаушылар аймақта "Оңай" картасына ақша салуға мүмкіндік жоқ екенін айтты.

Көлік холдингі аймақта электрондық билеттеу мәселесін жақын арада шешуге уәде берді.

Дереккөз: КТК


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (2)
Оқылып жатыр
Талқыланып жатыр
Бүгін
Апта
Ай