+7 (777) 001 44 99
ПОДЕЛИТЬСЯ
Алматыда студент менингокок инфекциясынан кенеттен қайтыс болды, деп хабарлайды "Жетінші арна" тілшісі.
Алматыда студент менингокок инфекциясынан кенеттен қайтыс болды, деп хабарлайды "Жетінші арна" тілшісі.
Алматыдағы Энергетика және байланыс университетінің 1-курс студенті жатақхана алдында қайтыс болды. Жедел жәрдем беруге келген дәрігерлер жас жігітке ешқандай көмек бере алмады. ЖОО қызметкерлері алдында ол жігітті уланғаннан қайтыс болуы мүмкін деген болатын. Алайда Алматы қалалық жұқпалы аурулар ауруханасының бас дәрігері Лаура Тастамбекова бұл нұсқаны жоққа шығарды. "Студент менингокок жұқпасын жұқтырған деген болжамға тоқталып отырмыз. Өйткені, бұл жұқпаның ерекшелігі сол, ол көп жағдайда инкубациялық кезеңсіз дамиды. Сондықтан, өлім жағдайы тез болады. Уоттерхаус-Федерикс синдромы (бүйрек жетіспеушілігі) болған кезде 90 пайыз жағдайда өлімге әкеп соғады", - дейді Тастамбекова.
Қазір дәрігерлер кім аурумен байланыс жасағанын анықтау үстінде. Сонымен бірге олар ауа-тамшылы жолмен жұғатын қауіпті инфекцияны жұқтырушыны табуға тырысуда.
