Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Алматыда танымал актер мен оның әйелі театрда өлі күйінде табылды

26 Мамыр 2015, 07:26
0
©"Жаңа күн" бағдарламасының кадры
©"Жаңа күн" бағдарламасының кадры
"Жедел жәрдем-2" хикаясының түсірілім сәті. ©Brod.kz
"Жедел жәрдем-2" хикаясының түсірілім сәті. ©Brod.kz

Ғабит Мүсірепов атындағы балалар және жасөспірімдер театры қара жамылды. Киелі өнер шаңырағында он бес жылдан бері қызмет етіп келе жатқан белгілі актер Мұхитдин Шынтаев пен жұбайы актриса Гауhар Шарипаның қанға бөккен мәйіті кеше кешкісін актерлерді бояндыратын бөлмеден табылды, - деп хабарлайды "31 арна".

Телеарна тілшілерінің мәліметінше, алдын ала болжам бойынша, ерлі-зайыпты арасында жанжал туындаса керек. Соның барысында күйеуі әйеліне пышақ жарақатын салып, артынша өз-өзіне қол жұмсауы мүмкін. Құпия өлімнің нақты себебі тек құзырлы органдардың арнайы тексерісінен кейін белгілі болмақ. Бейбіт күнде екі әріптесінен айырылған өнер ұжымы әлі өз-өздеріне келе алмай отыр.

"31 арна" кадры

Өмірде де, өнерде де бірге келе жатқан Мұхитдин Шынтаев пен Гауhар Шарипа арғы дүниеге де бірге кетті. Әріптестері ерлі-зайыптыны соңғы рет кешегі репитициядан бірге шыққандарын ғана көргенін айтады. Екеуі кеше ғана дайындықтан шыққан адамдар. Жарқын бәрі күліп жүрген адамдар соның арасында сағат үш пен төрттің кезінде болған нәрсе дейді. Мұхит пен Гаухар көзі тірісінде "өнердегі әкеміз" деп атап кеткен театр ақсақалы Тұрсын Құралиев те әлі өз-өзіне келе алар емес. Көңілдерінің мұңайғанын, құлазыған кездерін осы уақытқа дейін көрсеткен емес дейді.

"31 арна" кадры

Талантты жастардың тағдыры осы актерлерді бояндыратын бөлменің ішінде қиылған. Бірақ, Мұхит Шынтаевтың өз жарына пышақ салуы мүмкін болатындай қандай күйзеліске түскенін ешкім білмейді. Әріптестерінің айтуынша, театрдан да ешқандай теперіш көрген емес. Көзі тірісінде он шақты спектакльде басты рөлді сомдап, кино саласында да бағы жанған актер. Ерлі-зайыптының театр сахнасындағы ең соңғы қойылымы "Бұлбұлдар түні" атты спектакль екен.

"31 арна" кадры

Қазіргі уақытта бірнеше дерек бойынша қылмыстық іс қозғалды. Алайда, нақты дәйексіз түсініктеме беруге батпаған құзырлы орган қызметкерлері құпия өлімнің сырын тек арнайы тексерістен кейін ашатындарын айтты.

"31 арна" кадры

Ғабит Мүсірепов атындағы балалар және жасөспірімдер театрында 15 жыл бойы әртүрлі рөлдерді сомдаған Мұхитдин Шынтаев пен Гаухар Шәріпованың денесі ертең қара жердің қойнына табысталады. Отыздан асқан шақтарында өмірмен қош айтысқан ерлі-зайыптының артында 2 баласы қалды.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай