Алматыдағы ірі жол апатынан кейін автопарк лицензиядан айырылуы мүмкін

19 Қаңтар 2015, 12:43
0
Алматыдағы ірі жол апатынан кейін автопарк лицензиядан айырылуы мүмкін - ©Данияр Бозов
©Данияр Бозов

Алматыда "Қазақфильм" шағын ауданындағы ірі жол апатынан кейін автопарк лицензиядан айырылуы мүмкін, - деп хабарлайды Tengrinews.kz тілшісі қала әкімдігінің баспасөз қызметіне сілтеме жасап.

Алматы қаласының әкімі Ахметжан Есімов бүгін өткен аппарат жиыны кезінде профильді құрылым басшыларына "Қазақфильм" шағын ауданында 18 қаңтарда №31 автобустың қатысуымен болған ірі жол-көлік оқиғасының жай-жапсарын анықтауды тапсырды. Құзырлы органдар қала басшысына апаттың №2 автопаркке тиесілі көліктің техникалық ақауының салдарынан болғанын баяндады. Егер бұл болжам расталса қала басшысы автопарктен аталған бағытты тартып алып, қатаң жаза қолдануға, тіпті лицензиясынан айыруға тапсырма берді. Мұнымен қатар, әкім қалалық Денсаулық сақтау басқармасына апаттан жапа шеккен азаматтардың денсаулығын қатаң бақылауға алуды бұйырды. 

Еске сала кетейік, жолаушылары бар №31 автобус "Қазақфильм" шағына уданында Есеналиев көшесінің бойымен төменге қарай түсіп келе жатып, он шақты жеңіл көлікті қақты. Бұдан кейін ол бұрылыста бетон араластыратын машинамен соғысқан. Бірақ, басқа мәліметтерге қарағанда, автобус қоқыс таситын көлікпен соқтығысқан. Сонымен қатар, автобус 44 жастағы ер адамды басып кетті. Зардап шеккен азамат жедел жәрдемнің көмегінен бас тартты. Жалпы жол апатынан 9 адам жапа шекті. Алматы автопаркі болған оқиға жайлы әзірше пікір білдірмеді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай