Алматының "солтүстігі мен оңтүстігі" жаңа эстакада арқылы жалғанды

30 Қараша 2018, 15:34
0
Алматының "солтүстігі мен оңтүстігі" жаңа эстакада арқылы жалғанды - © Алматы әкімінің баспасөз қызметі
© Алматы әкімінің баспасөз қызметі

Алматыда теміржол бойымен эстакада арқылы Назарбаев даңғылын Жансүгіров көшесіне дейін үңгілеу жұмыстары аяқталды, - деп хабарлайды Tengrinews.kz тілшісі қала әкімінің баспасөз қызметіне сілтеме жасап.

Жұмыс сапары барысында Алматы әкімі Бауыржан Байбек "солтүстік-оңтүстік" бағыты бойынша Сейфуллин даңғылының жүктемесін азайтатын жаңа жол айрығын көрді.

Әкімдіктегілердің мәліметінше, техникалық жағынан күрделі жобаның жалпы құны - 7,4 миллиард теңге, ол екі жыл бойына салынды, құрылыс кезінде 500-ден аса жаңа жұмыс орны құрылды. Үңгілеудің өткізу қабілеті тәулігіне - 48 мың көлік.

Тірек қондырғылары мен қабырғалары мен эстакада құрылыстары үшін 7 мың текше метр бетон және 4 мың тоннадан аса металлоконструкция пайдаланылды.

Қала әкімі Бауыржан Байбек жаяу жүргінші инфрақұрылымын құру және қоғамдық көлікті дамытумен қатар қалада автомобилистердің жағдайын жақсарту да қолға алынғанын айтты. Жол айрықтары салынуда, жолдар жөнделуде, біржақты қозғалыс енгізілуде, адамдардың екпіні артып, бизнестің логистикалық шығыны төмендеп жатыр.

Жұмыс сапары кезінде мегаполис басшысы қаланың дамуына үлес қосқан жұмысшыларға ерен еңбектері үшін алғыс айтты.

"Президентіміздің саясаты арқасында Алматы тұрақты дамуда, экономикалық жағынан өсуде. Соңғы он жыл ішінде 30 жол айрығы ашылды, жаңа үйлер салынуда, қаланың тарихи орталығы жаңаруда, бизнес өркен жаюда. Міне, мұнда сіздердің үлестеріңіз айтарлықтай, атқарылған істердің барлығы жұмысшылар еңбегінің нәтижесі. Жаңа жол айрығы Тұңғыш Президент күні қарсаңында қала тұрғындарына жасалған үлкен сыйлық", - деді Бауыржан Байбек.

Айта кетерлігі, ұзындығы 800 метр болатын эстакадамен көлік қозғалысы бүгіннен басталды. Қозғалыс бөлігінің екі жағында тротуарлар бар, энергия жинақтаушы шамдары бар жарық бағаналары орнатылған. Шығу сатыларын және айналаны абаттандыру жұмыстары жалғасып жатыр.

Получить короткую ссылку

Тегтер:

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай