+7 (777) 001 44 99
ПОДЕЛИТЬСЯ
Белсенді, қоғам қайраткері Алмаз Ержан "Бәйтерек" холдингінің әлеуметтік мәселелер жөніндегі штаттан тыс кеңесшісі болды, - деп хабарлайды Tengrinews.kz тілшісі.
Белсенді, қоғам қайраткері Алмаз Ержан "Бәйтерек" холдингінің әлеуметтік мәселелер жөніндегі штаттан тыс кеңесшісі болды, - деп хабарлайды Tengrinews.kz тілшісі.
Ол өз қызметіне 2015 жылдың маусымында кіріскенін айтты. Блогер Алмаз Ержан әлеуметтік желілерде мүгедек жандардың мәселелерін көтеріп, оларды шешу жолдарын ұсынады. Оның айтуынша, ол "Бәйтерек" холдингінің блогерлер қатысқан конференциясында өз ұсыныстарын айтқан.
"Әлеуметтік блок жөніндегі мәселені көтердім", - деді ол. Осыдан кейін Алмаз Ержан "Бәйтерек" холдингінің әлеуметтік мәселелер жөніндегі штаттан тыс кеңесшісі болған.
"Менің міндетім - әлеуметтік сипаттағы мәселелерді көтеру. Өзімнің ekomek қоғамдық қорым туралы ұсынысыммен шықтым. "Бәйтерек" көмегімен Қазақстандағы 620 мың мүгедек жандардың қызығушылықтарын көрсетіп, олардың мәселелерін қозғағым келді. Өзім арбаға таңылған жанмын. Мұның не екенін білемін. Сондықтан да мүмкіндігі шектеулі жандарға көмек бергім келді", - деді Алмаз Ержан.
Ол холдингке аптасына екі рет баратынын айтты. "Мен үнемі байланыстамын, кез келген уақытта бара аламын. Сұрақтары бар мүгедек жандарды қабылдаймын. "Даму" мүгедек кәсіпкерлерді қолдау жұмыстарын бастап кетті", - деді белсенді. Алмаз Ержан холдинг кеңесшісі ретінде орындайтын бірнеше жоспары бар екенін айтты.
