Арқа төсінде осындай ғажайып қала саламыз дегенде көпшілік сене қоймаған - Исекешев

06 Шілде 2018, 11:54
0
Арқа төсінде осындай ғажайып қала саламыз дегенде көпшілік сене қоймаған - Исекешев - Әсет Исекешев. © Тұрар Қазанғапов
Әсет Исекешев. © Тұрар Қазанғапов

Астана әкімі елордалықтарды мерейтоймен құттықтады, - деп хабарлайды Tengrinews.kz тілшісі елорда әкімдігінің сайтына сілтеме жасап.

"Құрметті астаналықтар және қала қонақтары! Сіздерді Астанамыздың жиырма жылдық мерейтойымен шын жүректен құттықтаймын! Астана қысқа уақытта салынған айбынды мегаполис, тәуелсіздіктің символы. Елбасымыз осыдан жиырма жыл бұрын Арқа төсінде осындай ғажайып қала саламыз дегенде көпшілік сене қоймағанын жақсы білеміз. Дегенмен, мұның өміршең мұраттар арқалаған тарихи шешім болғанына бүгінде уақыттың өзі айқын дәлел. Қалаға салынған инвестиция өзін толық ақтап, Астана ел халқының мақтанышына, мемлекет дамуының локомотивіне айналды.

Бүгінде елордамыз өзінің жиырма жылдық мерейтойына мол табыстармен, салмақты жоспарлармен жетіп отыр. Қаланы әлемнің ең үздік мегаполистерімен терезесі тең, тұрғындары бақуатты шаһарға айналдыру бағытында барлық қажетті шаралар қолға алынуда. Бұған бізде ресурстық әлеует те, толымды тәжірибе де, талап-ниет те жеткілікті. Сондықтан Астанамыздың келешегі кемел, жарқын сәттерге толы болады деп сенемін.

Сіздерге зор денсаулық, отбасыларыңызға ырыс пен береке, еңбектеріңізге мол табыс тілеймін", - делінген әкімнің құттықтауында.

Айта кетейік, бүгін елорданың 20 жылдық мерейтойы атап өтіліп жатыр.

 

Получить короткую ссылку

Тегтер:

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай