Астана маңындағы құлағалы тұрған көпір жабылды

13 Ақпан 2014, 16:33
0
Астана маңындағы құлағалы тұрған көпір жабылды - ©Fergananews.com
©Fergananews.com
Алматы - Екатеринбург тас жолындағы көпір сызат пайда болғандықтан жабылды деп хабарлайды Tengrinews.kz "Қазақавтожол" мемлекеттік кәсіпорнына сілтеме жасап.

"Алты дана аралық тас бағандардың тірек осінен жылжып кетуі және топсалы тіректердің бұзылуы сияқты қауіпті дефектілердің анықталуына байланысты Алматы - Екатеринбург тас жолының Ақмола облысының Анар елді мекені тұсындағы Бұйрықтал өзені үстіндегі автокөлік көпірі жабылды", - делінген хабарламада.

Көпір - үлкен тас жолдың 1349-шақырымында, Астана қаласына жақын маңда. Қозғалыс екі шақырымға созылатын айналма жолдармен жүргізілуде. Жақын күндері дайындық шараларынан соң айналма жол учаскесі 500 метрге дейін қысқармақ.

Алматы - Екатеринбург автожолындағы көпір 1966 жылы салынған және апаттық жағдайда деп саналмаған. Биыл бұл нысан күрделі жөндеуден өткізіледі.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай