Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Астанада EXPO қарсаңында қаруларды сату мен митингтерге тыйым салу ұсынылды

14 Шілде 2016, 16:38
13
© Тұрар Қазанғапов
© Тұрар Қазанғапов

Астанада EXPO кезеңінде белгілі бір шектеулерді қою ұсынылды, - деп хабарлайды Tengrinews.kz тілшісі. Бүгін елордада заңдылықты, құқықтық тәртіпті және қылмысқа қарсы күресті қамтамасыз ету жөніндегі үйлестіру кеңесінің отырысы болып өтті. 

Жиын барысында EXPO 2017 кезеңінде қауіпсіздікті қамтамасыз ету бойынша ведомствоаралық өзара іс-қимыл мәселесі қойылды. Жиынға Қазақстан Республикасы премьер-министрінің бірінші орынбасары Бақытжан Сағынтаев, Астана қаласының әкімі Әсет Исекешев, Үйлестіру кеңесінің мүшелері, Президент Әкімшілігі, министрліктер мен ведомстволардың, елорда әкімдігінің жауапты қызметкерлері, сонымен қатар ұлттық компаниялар мен ұйымдардың өкілдері қатысты. 

"Мұндай ауқымды іс-шараға шектеулер қоймау мүмкін емес. Сочиде митингтерге, қару-жарақ сатылымына және шетелдік автокөліктерге кіруге шектеу қойылды. Бізге де осы жайлы ойлану керек. Бұл әлемдік тәжірибе. Барлық ел бұл жағдайды түсініп отыр. Халықты тарту керек. Мұны қалай жасауға болады? Адамдарды қызықтырып, одарды тәртіптің тек полицияның қолында емес, сонымен қатар тәртіпті сақтау әрбір азаматтың қолында екенін түсіндіру керек. Кез келген дабыл маңызды. Ол адамның өмірін сақтап қалады, қылмысты тоқтата алады немесе қарақшыны ұстай алады", - деді ҚР Бас прокуроры Жақып Асанов.

Сонымен қатар, Бас прокурор қауіпсіздіктің тексерілген және сенімді жүйелерін енгізу мен смарт технологияларды кеңінен қолданудың қажет екенін айтып өтті.

"Қауіпсіздік құралдарының бірі ретінде ЭКСПО-2017 мобильді қосымшасы болуы мүмкін. Ол қосымшада ЭКСПО көрмесі туралы барлық ақпарат болады. Жедел қызметтегілер мен кері байланыс каналдарының номерлері көрсетіледі", - деп хабарлады ҚР Бас прокуратурасының баспасөз қызметінің өкілдері.

Сондай-ақ, отырыста EXPO көрмесін дайындау және оны өткізу кезеңінде қауіпсіздікті қамтамасыз ету проблемаларын, соның ішінде көрме объектілерінің терроризмге қарсы қорғалу мәселелерін, өткізілетін іс-шаралардың техникалық қамтамасыз етілуі, сонымен қатар елордадағы қылмыстылық ахуалы мен жолдардағы апаттылық мәселелерін талқылау жоспарланды.


Нравится
Поделиться
Пікірлерді көру (13)
Оқылып жатыр
Талқыланып жатыр
Бүгін
Апта
Ай