Астанада жаңа туған әр сәби үшін бір ағаштан отырғызылатын болды

04 Ақпан 2018, 12:45
0
Астанада жаңа туған әр сәби үшін бір ағаштан отырғызылатын болды - © charlespetersonflooring.com
© charlespetersonflooring.com

Астанада жаңа туған әр сәби үшін бір ағаштан отырғызылатын болды, деп хабарлайды елорда әкімдігінің ресми сайты

Әкімдік қызметкерлерінің хабарлауынша, Астананың табиғи ресурстар және табиғатты пайдалануды реттеу басқармасы "Рухани жаңғыру" бағдарламасының "Саналы Азамат" жобасы аясында 2018 жылдың соңына дейін "Жаңа туған әр нәрестеге бір ағаштан" атты экологиялық акцияны өткізеді.

Биылдан бастап елорданың денсаулық сақтау нысандарының перзентхана бөлімдері дүние есігін ашқан нәрестелерге ішінде отырғызылған ағаштардың сызбасы мен құттықтау буклеттері бар конверттерді табыстауды бастады.

"Бұл акция қоғамды қоршаған ортаны қорғауға, тарихи дәстүрді сақтауға шақыруды, экологиялық білімді іс жүзінде насихаттауды, өскелең ұрпақтың қоршаған ортаға, салауатты өмір салтына деген сүйіспеншілік сезімін оятуды, қоғамның экологиялық мәдениетін арттыруды, жастарды ел игілігі үшін игі істер жасауға шақыруды көздейді", - дейді мамандар.

Экологиялық акцияны ұйымдастырушылардың ақпаратына қарағанда, елордада туған нәрестелердің құрметіне отырғызылған көшеттер "Астана қаласының жасыл белдеуінің" аумағында орналасады. 

Айта кетейік, "Жаңа туған әр нәрестеге бір ағаштан" акциясы басталғалы бері Астана қаласының №1, №2, №3 перинаталды орталықтарында дүниеге келген сәбилердің ата-аналарына 1704 құттықтау хат тапсырылған.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай