Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.68
EUR / KZT - 389.40
CNY / KZT - 49.85
RUB / KZT - 5.60

Астанада жерге қатысты жемқорлық көбейіп келеді

22 Сәуір 2014, 17:46
0
Фото blog.deriban.net сайтынан
Фото blog.deriban.net сайтынан

Астанада жер қатынастары саласындағы сыбайлас жемқорлық оқиғалары көбейіп келеді. Биыл үш айдың ішінде 6 қылмыстық іс қозғалды. Ал өткен жылы бір-ақ қылмыстық іс болған, деп хабарлайды Tengrinews.kz тілшісі ҚР Экономикалық қылмысқа және сыбайлас жемқорлыққа қарсы күрес агенттігінің (қаржы полициясы) Астана қаласы бойынша департаментіне сілтеме жасап.

Бүгінде 5 қылмыстық іс сотқа жіберілді. Ол істер бойынша мемлекет қазынасына келген шығын 23 миллион теңгені құрады. Қаржы полициясының хабарлауынша, жер қатынастары саласындағы сыбайлас жемқорлық әрекеттерінің басым бөлігі қызмет бабын асыра пайдалану нәтижесінде болып тұрады. Мәселен, Астана қалалық тұрғын-үй басқармасына қарасты "Қалалық жылжымайтын мүлік" мемлекеттік комуналдық қазыналық кәсіпорнының бас есепшісі Айнаш Шуматоваға қатысты қылмыстық іс сот қарауына жіберілді. Ол елордадағы саяжай мен гараждардың жер телімдерін мемлекет меншігіне сатып алдым деген сылтаумен қыруар қаражатты таныстардың есеп-шотына аударған. Соның салдарынан "Қалалық жылжымайтын мүлік" мекемесінің 19 миллион бюджеттік теңгесі талан-таражға салынды. 

Жер қатынастары саласында алаяқтық әрекеттер де жоқ емес. Сәуірдің орта шенінде Ақмола облысы Қорғалжын ауданы бойынша әлеуметтік бағдарламалар және жұмыспен қамту бөлімінің "Жұмыспен қамту орталығы" коммуналдық мемлекеттік мекемесінің директоры Е.Абылқадыровқа қатысты қылмыстық іс қозғалды. Ол қала аумағында жер телімін бөліп беру бойынша оң шешім шығаруға ықпал етемін деп Астана қаласының тұрғыны Д.Ахметовты алдап-арбап, 25 мың АҚШ долларын қолды етіп кеткен. Қазіргі кезде тергеу амалдары жүргізілуде.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай