1. Басты
  2. Біл
  3. Жаңалықтар
  4. Ел жаңалықтары

Астанада құрылыс компанияларына 16 миллион теңгеге жуық айыппұл салынды

© astana.gov.kz © astana.gov.kz

Көріктендіру ережелерін бұзған құрылыс компанияларына 16 миллион теңгеге жуық айыппұл салынды, - деп хабарлайды Астана қаласы әкімдігінің медиа орталығы.

Орталықтың мәліметтері бойынша, он бір ай ішінде елордалық полиция қызметкерлері қала мен елді мекендерді абаттандыру ережелерін бұзған 225 құрылыс компаниясын әкімшілік жауапкершілікке тартты. Салынған айыппұлдардың жалпы сомасы 15,905 миллион теңгені құрады.

Кәсіпорындарға айыппұл қарды, мұзды, іргелес аумақтардағы қоқысты уақытында тазаламағаны үшін және құрылыс материалдары мен қалдықтарын құрылыс учаскесінің аумағынан тыс жинағаны үшін, қоршауының болмағаны, жүк көліктердің дөңгелектерінің жуылмағаны және тағы да басқа себептер үшін салынды.