Астанада шілденің соңында жаңа веложолдар пайда болады

29 Сәуір 2016, 12:06
0
Астанада шілденің соңында жаңа веложолдар пайда болады - © Tengrinews.kz
© Tengrinews.kz

Астана қалалық мәслихатында велоинфрақұрылымды дамыту мәселесі талқыланды, - деп хабарлайды Tengrinews.kz тілшісі елорда әкімдігінің баспасөз қызметіне сілтеме жасап.

Әкімдіктің мәліметінше, Астанада велосипед қозғалысын ұйымдастыру үшін Сәулет және қала құрылысы басқармасымен бес жылдық даму жоспары әзірленіп, бекітілді. Осы жоспар аясында веложолдар салынып, велосипедтерді жалға беру пункттері ашылады.

"Біз Қорғалжын тасжолынан Қарқаралы тасжолына дейін веложол салу үшін жобалық-сметалық құжаттама әзірледік, қазіргі кезде жасыл белдеу аумағының мемлекеттік сараптама қорытындысы алынды, жол салуға конкурс жарияланды. Шілде айының соңына дейін жолды салып бітіп, пайдалануға беру жоспарланған", - деді Астана қаласының Табиғат ресурстары және табиғат пайдалануды реттеу басқармасы басшысының орынбасары Сәкен Исаев.

Айта кетейік, мәслихат депутаттары бейберекет қоқыс тастау, үйлердің аулаларындағы қоқысты жинау, сонымен қатар, энергия үнемдегіш және құрамында сынап бар шамдарды жинауға арналған контейнерлердің жағдайына қатысты мәселелерді де көтерді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай