Астанада төртінші ауданның атауы бекітілді

25 Ақпан 2018, 12:26
0
Астанада төртінші ауданның атауы бекітілді - © Тұрар Қазанғапов
© Тұрар Қазанғапов

Астанада жаңа ауданның атауы бекітілді, деп хабарлады "Астана Ақшамы" газеті.

Газеттің хабарлауынша, қалалық мәслихаттың тұрақты комиссияларының қоғамдық тыңдауында Астанада ашылатын төртінші ауданға Бай­қоңыр атауы ұсынылып, мақұлданды.

Қоғамдық кеңесте қаралған мәселелердің бірі Астана қала­сының шекараларын бел­гі­леуге қатысты болды. Онымен Сәулет және қала құрылысы басқармасының басшысы Бақты­бай Тайталиев таныстырды.

"Соңғы бес жылда Астана халқының саны 35 пайызға ұл­ғайып, 645 мың адамнан 1 миллион 10 мың адамға жетті. Былтыр қала территориясына 8 мыңнан астам гектар қосылды. Бұл – Майбалық көлі, пантеон. Халықтың тығыздығы мәселесін шешу үшін жаңа мектептерді, балабақшаларды, емханаларды, көлік жүйесін, инженерлік инфрақұрылымды салу мақ­сатында төртінші ауданды ашу қажеттілігі туындады", - деді Бақты­бай Тайталиев.

Төртінші ауданның шығыс бөлігі Алматы ауданымен, батыс және оңтүстік бөлігі Сарыарқа ауданымен, ал Есіл өзені арнасымен Есіл ауданымен шекараласады. Жалпы алғанда, қала аумағы 79 мың 733 гектарды құраса, соның ішінде жаңа аудан 18 мың 129 гектарды алады. Халық санына келсек, онда 211 мың адам тұратын болады.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай