Атбасар тұрғындарына медициналық және психологиялық көмек көрсетілді

20 Сәуір 2017, 17:41
0
Атбасар тұрғындарына медициналық және психологиялық көмек көрсетілді - © баспасөз қызметінен
© баспасөз қызметінен

Ақмола облысы Атбасар кентінде орын алған су тасқынынан зардап шеккендерге медициналық көмек көрсеткен ҚР ІІМ ТЖК Апаттар медицинасы оралығының шұғыл әрекет ету бригадалары мен психолог мамандары тұрақты қызмет орындарына оралды, - деп хабарлайды Тengrinews.kz тілшісі ҚР ІІМ ТЖК Апаттар медицинасы оралығына сілтеме жасап. 

"Төтенше жағдайды жою жұмыстарының басынан бастап біздің қызметтің медициналық мамандарымен 57 өзі жүгініп келген адамдарға көмек көрсетілді. 66 тұрғынға шұғыл психологиялық көмек көрсетілді. Оның ішінде 17 балаға. 5 адамға психологиялық кеңес берілді", - дейді орталық өкілдері.

Баспасөз қызметінің мәліметі бойынша, төтенше жағдайға байланысты ақпараттық-түсіндіру жұмыстары мен психологиялық көмек көрсету мақсатында республикамыздың бірнеше аймақтарында ҚР ІІМ Төтенше жағдайлар комитетінің бөлімшелерімен "қауырт желі" телефондары ашылып, қызмет жасалған.

Қазіргі кезге дейін Апаттар медицинасы орталығының Қарағанды және Ақтөбе облысы филиалдары психологтарымен барлығы 177 қоңырау қабылданып, қажетті көмек көрсетілген екен.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай