Атырау облысында 22 вахталық жұмысшы улану белгілерімен ауруханаға түсті

17 Қазан 2018, 08:43
0
Атырау облысында 22 вахталық жұмысшы улану белгілерімен ауруханаға түсті - ©Турар Казангапов
©Турар Казангапов

Атырау облысында 20-дан астам вахталық жұмысшы тағамнан уланды деген күдікпен ауруханаға жатқызылды, - деп хабарлайды Tengrinews.kz тілшісі. 

Облыстық қоғамдық денсаулық сақтау департаментінің басшысы Темірбек Мұсағалиевтің айтуынша, оқиға 16 қазанда кешке болған. 

"16 қазанда сағат 17.30-да департаментке Теңіз мұнай кен орны маңында орналасқан Болашақ вахталық ауылындағы "Монтажспецстрой" АҚ-ның 20 қызметкері тағамнан уланған болуы мүмкін деген хабар келді", - дейді дәрігер.

Оның айтуынша, 22 адам ауруханаға жатқызылған. Оларда гастроэнтероколит белгілері анықталған: жүрек айну, құсу және дене қызуының көтерілуі. Медициналық қызметкердің айтуынша, жұмысшылар Болашақ ауылындағы асханада тамақтанған. 

"Оқиға болған жерге басқарушы орынбасары, тамақтану және эпидемиология бөлімдерінің басшыларынан тұратын мамандар тобы келді. Жағдай бақылауда, эпидемияға қарсы шаралар жалғасып жатыр", - деді Мұсағалиев.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай