Атырау облысында кафенің иесін ұрып кеткен полицейлер сотталады

20 Қазан, 14:01
1
 ©Турар Казангапов
©Турар Казангапов

Атырау облысында жұмысынан шығып қалған екі полиция қызметкері бұзақылық жасағаны үшін сотталады. Тергеу материалдарына сәйкес, олар кафе иесіне жеке мәселелері бойынша шабуыл жасаған, - деп хабарлайды Tengrinews.kz тілшісі КТК телеарнасына сілтеме жасап.

Оқиға шілдеде Құрманғазы ауданындағы кафелердің бірінде болған. Желідегі кадрлердегі төбелестің бел ортасында жүрген екі жігіт Құрманғазы аудандық ішкі істер бөлімінің майор шеніндегі қызметкерлері.

Куәгерлердің айтуынша, кафеден шыққан полицейлер ақша төлеуден бас тартқан көрінеді. Оған қарсылық білдірген олар дәмхана иесін ұрып, тіпті іштегі жиһаздарды да сындырған. Ақырында өз дегендерін жасап, көрсетілген қызметке бір тиын да төлеместен кете барған-мыс.

Бұл істі тексерген облыстық ішкі істер департаментінің қауіпсіздік қызметі әріптестеріне қатысты қылмыстық іс қозғапты. Сондай-ақ, ондағылар куәгерлердің айтқанын теріске шығарған.

"Қазіргі кезде тәртіптік жаза қолданылып, қызметкерлерді жұмысынан босату шаралары алынды. Бұдан бөлек кикілжің мәзірдің қаржысын төлемеу салдарынан емес, жаңағы кафенің иесі мен полиция қызметкерлерінің арасында болған келіспеушілік салдарынан болған. Ол азаматтар өзара туысқандық қарым-қатынаста", - Атырау облыстық ІІД баспасөз қызметінің жетекшісі Назымгүл Қайсағалиева.

Дереккөз: КТК телеарнасы

 

Получить короткую ссылку


Нравится Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай