Ауа райы: Демалыс күндері жаңбырдың соңы қарға ұласады

03 Қазан 2014, 10:59
0
Ауа райы: Демалыс күндері жаңбырдың соңы қарға ұласады - ©Tengrinews.kz
©Tengrinews.kz

Алдағы демалыстарда Қазақстанның бірқатар аймағында күн салқын болады, - деп хабарлайды Tengrinews.kz тілшісі "Қазгидромет" РМК мамандарына сілтеме жасап.

"Қазанның 4-і күні түнде Ақмола, Солтүстік Қазақстан облыстарында, 4 қазан күні Павлодар, Шығыс Қазақстан облыстарында жауын-шашын (жаңбырдың соңы қарға ұласады) болады, батыстан соққан желдің екпіні секундына 17-22 метрге дейін күшейеді", - делінген таратылған хабарламада.

"Қазгидрометтің" мәліметінше, Астанада 3-4 қазан күндері қар аралас жаңбыр жауып, желдің екпіні секундына 15-20 метрге дейін күшейеді. "4 қазан күні Оңтүстік Қазақстан, Жамбыл облыстарында, 4-5 қазан күндері Алматы облысында жауын-шашын (жаңбырдың дымқыл қарға ұласуы) болады, батыстан секундына 17-22 метрге жететін күшті жел соғады, түнде ауа температурасы кей жерлерде 0-3 аязға дейін, күндіз 7-12 градус жылыға дейін төмендейді", - деп хабарлайды мамандар. 4-5 қазан күндері Қызылорда облысында да ауа температурасы 3 градус аязға дейін төмендемек.

Еске сала кетейік, бұған дейін 2-4 қазан күндері Қазақстанда күннің күрт суытатыны хабарланған еді. Республиканың аумағының түгелге жуығында жаңбыр жауып, соңы қарға ұласатыны ескертілді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай