1. Басты
  2. Біл
  3. Ел жаңалықтары

Әзербайжан президенті Тоқаевты сайлаудағы жеңісімен құттықтады

© РИА Новости © РИА Новости

Мемлекет басшысы Қасым-Жомарт Тоқаев Әзербайжан Республикасының президенті Ильхам Әлиевпен телефон арқылы сөйлесті, - деп хабарлайды Tengrinews.kz тілшісі Ақорда сайтына сілтеме жасап.

Әзербайжан Республикасының президенті Ильхам Әлиев Қасым-Жомарт Тоқаевты Қазақстан Республикасының Президенті сайлауындағы айқын жеңісімен құттықтап, жоғары мемлекеттік қызметіне табыс тіледі.

Сонымен қатар, Қасым-Жомарт Тоқаев Ильхам Әлиевке құттықтағаны үшін ризашылық білдіріп, Әзербайжанмен жан-жақты ынтымақтастықты дамыту жөніндегі Қазақстан Республикасының Тұңғыш Президенті - Елбасы Нұрсұлтан Әбішұлы Назарбаевтың саясатын жалғастыратынын атап өтті.