Баланың тууына берілетін жәрдемақыны тұрғылықты жеріне байланыстырмай-ақ рәсімдеуге болады

Азаматтарға арналған үкімет қазақстандықтардың уақытын үнемдейтін кезекті пилоттық жобаны іске қосты, - деп хабарлайды Tengrinews.kz тілшісі мемлекеттік корпарацияның баспасөз қызметіне сілтеме жасап.  

Бүгіннен бастап, жас аналар бала тууына байланысты және оның бір жасқа дейінгі күтіміне жәрдемақыны тіркеуіне қарамастан ресімдеуіне болады.

Еске салайық, өткен жылдың қыркүйек айынан бастап "Азаматтарға арналған үкімет" мемлекеттік корпорациясы пилоттық жобаны іске қосқан болатын, оның шеңберінде корпорация қызметкерлері перзентхана ғимараттарында бірден 4 бірдей қызмет көрсетуге өтініш қабылдай алатын. Бұл қызметтер: бала тууын тіркеу, бала тууына және оны бір жасқа дейін күтуге жәрдемақы тағайындау, әлеуметтік тәуекелдер жағдайына әлеуметтік төлемдер тағайындау: бір жасқа толғанға дейінгі уақытта бала күтіміне байланысты кірісінен айырылу, балаларды мектепке дейінгі мекемелерге кезекке қою. Бүгінгі күнде бұл жобаға ҚР бойынша 206 перзентхана мен перинаталдық орталықтар жұмылдырылған.

"Азаматтарға арналған үкімет" мемлекеттік корпорациясы" КЕ АҚ басқарма төрағасы Данияр Еренчиновтің айтуынша, жәрдемақыларды тағайындауда құжаттарды қабылдау барысында ең проблемалық мәселе эксаумақтық қағидаттың болмауы..

"Басқаша айтқанда, мұның алдында әйел Бурабайда тұрғылықты мекенжайы бойынша тіркелген болып, ал Көкшетау қаласының перинаталдық орталығында босанған болса, ол жәрдемақы тағайындау үшін тіркелген жері бойынша, яғни Бурабайдағы ХҚКО-ға жүгінуіне тура келетін. Біз бұл мәселені шештік және бала тууына байланысты және оның бір жасқа дейінгі күтіміне жәрдемақы тағайындауға өтініш қабылдауда эксаумақтық қағидатты қолдану механизмін әзірледік. Бастапқыда пилоттық жоба тек облыс ішінде ғана жұмыс істейтін болады, ал жақын арада эксаумақтықты барлық Қазақстан бойынша іске қосуды жоспарлап отырмыз", - деді Еренчинов.

Сондай-ақ Еренчиновтің айтуынша, балаларға жәрдемақы тағайындауды рәсімдеу үшін эксаумақтық қағидатты енгізу - мемлекеттік қызметтерді алуды жеңілдетудің кезекті қадамы. Себебі, бұл 4 бірдей қызметті алу үшін қазақстандықтарға минималды құжат қажет -  ата-ананың жеке басын куәландыратын құжат, неке қию туралы куәлік және оның көшірмесі (Қазақстан Республикасының аумағында 2008 жылдан соң неке қиған азаматтар куәліктің көшірмесін бермейді), баланың тууы туралы медициналық куәлік (перзентханада беріледі), барлық балалардың тууы туралы куәліктері немесе ахуалдық жазбалардың көшірмесі, банктік шоттың нөмірі жайлы құжат.

Пилоттық жобаны іске қосқан сәттен бастап "Азаматтарға арналған үкімет" мемлекеттік корпорациясы перзентханалар мен перинаталдық орталықтар жүз мыңнан аса адамға қызмет көрсеткендігін айта кету керек.