Баласы мен келінін басшылық қызметке орналастырған әкім орынбасары жұмысынан айырылды

24 Қараша 2015, 11:37
0
Баласы мен келінін басшылық қызметке орналастырған әкім орынбасары жұмысынан айырылды - Сара Нұрқатова. © ortcom.kz
Сара Нұрқатова. © ortcom.kz

Ақтөбе облысы әкімінің орынбасары Сара Нұрқатова жұмыстан шығарылады. Бұл туралы орталық коммуникациялық қызметіндегі баспасөз мәслихатында Бердібек Сапарбаев хабарлады, - деп хабарлайды Tengrinews.kz тілшісі.

"Мен онымен бірнеше рет әңгімелестім. Әрине, ол мемлекеттік қызметкердің ар-намыс кодексіне қатысты қателік жасады. Ол бірнеше күн бұрын жұмыстан кету туралы арыз жазды. Қазір ол өз қалауымен жұмысынан кетеді. Оның қызметіне, баласына, келініне қатысты мәселені біз шештік. Баласы қызметінен босады, келіні де", - деді Tengrinews.kz тілшісіне Сапарбаев. 

Осыған дейін әкім орынбасары Сара Нұрқатованың жұмыстан кетуге арыз жазғаны хабарланған болатын. Оның баласы Максим Чаркин мен келіні Алуа Касимова да қызмет орнын босатуды шешіпті.

Еске салайық, биылғы қазан айында "Нұр Отан" партиясына қарасты Сыбайлас жемқорлыққа қарсы іс-қимыл жөніндегі қоғамдық кеңестің төрағасы Ақтөбе облысы әкімінің орынбасары Сара Нұрқатоваға оның жақын туыстарының жетекші қызметтерде жұмыс істейтіні үшін жұмыстан кетуге ұсыныс жасаған болатын.  


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай