Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 327.63
EUR / KZT - 365.73
CNY / KZT - 47.96
RUB / KZT - 5.48

Банктер жайлы жалған хабар таратқандар анықталды

19 Ақпан 2014, 17:04
0
ҚР Бас прокуратурасы. ©Марат Әбілов
ҚР Бас прокуратурасы. ©Марат Әбілов
ҚР Бас прокуратурасы банктер жөнінде жалған хабарламалар таратуға қатысы бар бірқатар тұлғаны анықтады деп хабарлайды Tengrinews.kz. Қазіргі уақытта қылмыстық іс қозғау мәселесі қарастырылып жатыр.

"Құқық қорғау органдары тиісті арыздардың негізінде қазіргі уақытта банктердің қаржылық жағдайы туралы жалған ақпарат таратқандарды анықтау жөнінде жедел іздестіру шараларын жүргізіп жатыр. Бірқатар тұлға анықталды, оларға қатысты қажетті тексеру шаралары жүргізілуде, талап арыз енгізілді, қылмыстық іс қозғау мәселесі шешіліп жатыр", - деді брифинг кезінде Бас прокуратураның ресми өкілі Нұрдәулет Сүйіндіков.

Сүйіндіковтің айтуынша, жалған хабар таратуға кінәлі тұлғалардың бәрі қылмыстық қудалауды қосқанда, заңда бекітілген материалдық және басқа да жауапкершіліктерге тартылады. Бас прокуратура өкілі жалған хабарлардан банктерге айтарлықтай зиян келгенін айтып отыр.

"Бұл хабарлар аталған банктер салымшылары арасында дүрлігу туғызып, банк есепшоттарынан қаржыны жаппай алуға жол берді. Мұндай әрекеттердің нәтижесінде жүйеқұраушы банктерге елеулі нұқсан келіп, қоғамда әлеуметтік ширығу туғызды, сондай-ақ, халықтың қаржы институттарына деген сенімін жоғалтты", - дейді Сүйіндіков.

Ресми өкіл сөз болып отырған хабарламалардың көпе-көрінеу жалған екенін және оның тек қана банк саласында тұрақсыздық туғызу мақсатымен таратылғанын баса айтты.

Еске сала кетейік, теңге бағамына қатысты түзету енгізілгеннен кейін WhatsApp желісінде үш банктің банкрот болатыны туралы хабар тараған еді. Белгісіз ақпарат көзінен шыққан күмәнді хабарламалар басқа әлеуметтік желілерде де пайда болды. Мұндай хабарды алған адамдар банктерге ағылып, депозиттеріндегі салымдарын жаппай қайтарып алуға тырысты. Бұл ахуалға Ұлттық банк бірден үн қатып, ақпараттардың жалған екенін, адамдардың арандатуға берілмеуі керектігін ескертті. Қазіргі уақытта жалған хабарлардан келген зиян есептеліп жатыр.

Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай