"Батыр арулар" Астана халқын бауырсақтан дәм татқызды
21 Наурыз 2015, 16:38Қазақстан Қарулы Күштерінің әскери қызметші қыз-келіншектері арасында "Батыр арулар" сайысына қатысушылар елорда тұрғындары мен қонақтарына арнап қызықты акция өткізді, - деп хабарлайды Tengrinews.kz тілшісі ҚР Қорғаныс министрлігінің баспасөз қызметіне сілтеме жасап.
"Mега Астана" сауда ойын-сауық орталығының екінші қабатында батыр аруларымыз астаналықтарды Наурыз мейрамымен құттықтады. "Дәстүр бойынша бұл күні әр үйде мерекелік дастархан жайылады. "Батыр арулар" байқауына қатысушылар мерекелік дәстүрді сақтай отырып, сауда ойын-сауық орталығына келушілерге бауырсақ және басқа да ұлттық тағамдардан дәм ұсынды. Сондай-ақ, ҚР Қарулы Күштердің атынан Наурыз мейрамымен құттықтаған естелік хаттарын таратты", - делінген баспасөз хабарламасында.
Қорғаныс министрлігінің өкілдері Қазақстан Республикасы Қорғаныс министрлігінің бастамасы бойынша әскери қызметші қыз-келіншектер арасында "Батыр арулар" байқауы өткізіліп жатқанын ескертті. Оның аясында дауыс беру нәтижесі бойынша ҚР Қарулы Күштердің кәсіби түріне қарай 12 үздік әскери қыз-келіншек анықталады. Жеңімпаздар 2016 жылға арналған "Батыр арулар" арнайы күнтізбесіне шығару үшін кәсіби фотосессияға қатысуға мүмкіндік алады.
Подписаться на канал новостей TengriNews:
