Батыс Қазақстанда Жайықтың жағалауы бекітіліп жатыр

05 Наурыз 2014, 12:46
0
Батыс Қазақстанда Жайықтың жағалауы бекітіліп жатыр - ©azh.kz
©azh.kz
Батыс Қазақстан облысында көктемгі су тасқынына қарсы дайындық қызу жүруде. Нақты айтқанда Бөрлі ауданы Облавка ауылы тұсындағы Жайықтың жағалауын бекіту жұмысы басталды деп хабарлайды Tengrinews.kz тілшісі оқиға орнынан.

Осы елді мекеннің жанынан ағатын Жайық өзені өзінің асау мінезімен көп жылдардан бері жергілікті тұрғындарды үрей құшағында ұстап келген еді. Себебі жыл өткен сайын тасыған су жағалауды опырып, ауылдың шетіне келіп қалған-тұғын. Тіпті, қазір мазарларды шайып кету қаупі туындап тұр. Қала берді республикалық маңызы бар Орал-Орынбор күрежолына Жайық суы 20-30 метр ғана жетпей тұр. Төтенше ахуал жөнінде облыс басшылығы ел Үкіметі алдына бірнеше мәрте мәселе қойды. Енді жағалауды бекітуге қажетті 1 млрд. 200 млн. теңгенің алғашқы бөлігі – 20 млн. теңге республикалық бюджеттен бөлініп, құрылыс жұмыстары басталған.

"Күні бүгін жалпы ұзындығы 2,1 шақырым болатын Жайықтың жағалауын бекіту жұмыстарын бастап кеттік. Әуелі біз көктемгі су тасқынына дейін жарқабақты борпылдақ топырақтан тазартып, болашақта бетон плиталарды бекітуге қажетті қадаларды қағып бітіруіміз керек. Оншақты күнде оны бітіреміз. Күні-түні 120 адам екі ауысымда еңбек етуде. Сосын су тасқыны аяқталғасын күзде жұмыстың қалған бөлігіне кірісеміз. Қажетті материалдар жеткілікті. Жалпы құрылыс аяқталғанда бұл жерде ішіне қиыршық тас толтырылған қос қабатты берік темір тор түріндегі габиондар жүйесі орнатылады. Габиондардың қызмет ету мерзімі өте ұзақ және судың эрозиясына төзімді, бара-бара жергілікті табиғи ландшафтпен сіңісіп кету мүмкіндігі қарастырылған. Жоба бойынша құрылыс 2015 жылы аяқталады", - деді жұмысты атқарушы мердігер "Уральскводстрой" ЖШС-нің вице-президенті Тенгиз Тедеев.

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай