Бауыржан Мусиннің ісі сотқа түсті

05 Қыркүйек 2017, 17:50
0
Бауыржан Мусиннің ісі сотқа түсті - © Facebook.com
© Facebook.com

Бауыржан Мусиннің ісі Астана қаласының сотына түсті. Бұл туралы Tengrinews.kz тілшісіне қалалық соттың баспасөз қызметіндегілер хабарлады.

"Астананың Есіл аудандық №2 сотының 2017 жылдың 29 тамызында шығарған шешімімен Мусин Бауыржан Бағдатұлына қатысты ҚР Қылмыстық кодексінің 366-бабының 2-бөлігі, 366-бабының 3-бөлігі бойынша қозғалған қылмыстық іс сотқа келді. Басты сот отырысы 2017 жылдың 7 қыркүйегіне сағат 10.00-ге белгіленді", - деп хабарлады Астана қалалық сотының баспасөз қызметіндегілер.

Еске сала кетейік, Дін істері және азаматтық қоғам министрлігінің комитет басшысының орынбасары Бауыржан Мусин биыл 31 наурызда ұсталған еді. Баспасөз қызметі өкілдерінің айтуынша, Б.Мусин кәсіпкерден параның кезекті 400 мың теңге сомасындағы бөлігін алу үстінде ұсталып, Астана қалалық ІІД уақытша ұстау изоляторына қамалған. Параның жалпы сомасы - 1,4 миллион теңге.

"Сыбайлас жемқорлыққа қарсы іс-қимыл Ұлттық бюросының Астана бойынша департаментінің қызметкерлері ҚР Дін істері және азаматтық қоғам министрлігінің азаматтық қоғам жөніндегі комитетінің төрағасының орынбасары Б.Мусинді ұстады, ол мемлекеттік сатып алуға қатысушылардың мүддесін лоббилегені үшін жүйелі негізде пара алып отырған", - деп хабарлаған еді Антикоррупциялық қызмет өкілдері.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай