Баян Есентаеваның күйеуіне қандай жаза кесілуі мүмкін?

13 Маусым 2016, 16:08
0
Баян Есентаеваның күйеуіне қандай жаза кесілуі мүмкін? -

Белгілі адвокат Жангелді Сүлейманов ҚР Қылмыстық кодексінің "Кісі өлтіруге оқталу" бабы бойынша айыпталып отырған Бақытбек Есентаевқа қандай жаза кесілуі мүмкін екенін айтты, - деп хабарлайды Tengrinews.kz тілшісі.

Қорғаушының айтуынша, бұл қылмыс "өте ауыр" дәрежеге жатады, сондықтан да мұнда тараптардың ымыраға келуі қарастырылмаған. "ҚР Қылмыстық кодексіне сәйкес, тараптардың ымыраға келуі жеңіл және орта дәрежедегі қылмыстарда ғана қарастырылған. Бұған ең жоғарғы мерзім 5 жылдан аспайтын жаза қарастырылған қылмыстар кіреді. Ал мына жағдайда адам ҚР Қылмыстық кодексінің 99-бабы бойынша айыпталып отыр. Кодекске сәйкес, бұл заңда қарастырылған қылмысқа 6-11 жыл аралығында соттау жазасы қолданылады", - деді Сүлейманов.

Сонымен қатар, адвокат істің қайта ауыстырылуы немесе тергеу барысында жаңа мәліметтердің пайда болуы мүмкін екенін айтты.

"Алдын-ала тергеу кезінде істің бабы бірнеше рет қайта ауысуы мүмкін, яғни барлығы соққының қандай болғанына, жәбірленушінің түсінігіне байланысты. Іс қайтадан 106-бап ("Денсаулыққа қасақана ауыр зиян келтiру") бойынша қаралуы мүмкін. Бұл ҚР Қылмыстық-процестік кодексінде қарастырылған. Іс тергеу барысында немесе сот отырысы кезінде де басқа бапқа ауыстырылуы мүмкін. Оның мән-жайы сот-медициналық сараптамасы және куәгерлердің түсінігі мен айғақтарға байланысты анықталады", - деді Сүлейманов.

Сонымен қатар, қорғаушы жәбірленуші өзін ренжіткен адамды кешірсе немесе айыпталушы ісіне өкінетінін білдірсе, ол шартты түрде ғана сотталуы мүмкін екенін айтты. "Өкінгенін білдірсе негізгі мерзімнің жартысы ғана беріледі", - деп түсіндірді адвокат.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай