24 мамыр 2018 13:05

Байбек мейрамхана иесіне жүргіншілердің жолын қайтаруға екі күн уақыт берді

ПОДЕЛИТЬСЯ

Сурет Алматы әкімдігінің баспасөз қызметінен Сурет Алматы әкімдігінің баспасөз қызметінен

Алматы әкімі қаланың көлік және жүргінші инфрақұрылымы құрылысының барысын тексеріп, Байтұрсынов көшесін аралау барысында заңсыз салынған кафенің жазғы террассасын алып тастап, жүргінші учаскесін қалпына келтіруді тапсырды, - деп хабарлайды Тengrinews.kz тілшісі Алматы әкімдігінің баспасөз қызметіне сілтеме жасап. 


Алматы әкімі қаланың көлік және жүргінші инфрақұрылымы құрылысының барысын тексеріп, Байтұрсынов көшесін аралау барысында заңсыз салынған кафенің жазғы террассасын алып тастап, жүргінші учаскесін қалпына келтіруді тапсырды, - деп хабарлайды Тengrinews.kz тілшісі Алматы әкімдігінің баспасөз қызметіне сілтеме жасап. 

"Күн сайынғы жұмыс сапары кезінде Бауыржан Байбек Алматының көлік және жүргінші инфрақұрылымы құрылысының барысын тексерді. Мегаполис басшысы бірнеше сағат ішінде Абай, Байтұрсынов, Асқаров, Гагарин көшелерін аралап шығып, оларды одан әрі көріктендіру бойынша бірқатар тапсырмалар берді. Айдың соңына дейін Гагарин даңғылын әл Фарабиден Тимирязев көшесіне дейін қайта жасау аяқталады. Ұзындығы үш шақырымнан асатын жаңарған жолмен қатар жүргінші тротуарлары абаттандырылып, арық желілері салынады. Пайдаланылмайтын конструкциялар мен заңсыз құрылыстар алынуда, сонан соң көшелерді жасылдандыру жоспарланған", - делінген хабарламада. 

Жүргіншілердің қауіпсіздігін қамтамасыз ету үшін стихиялы көлік тұрақтарының орнына даңғыл жиегіндегі тротуарлар қалпына келтірілуде. Қалалықтардың талабын ескере отырып, Гагарин мен Қожабеков көшелерінің қиылысына бағдаршам орнату мүммкіндігі қарастырылып жатыр.

Baykonyr бизнес-орталығы алдындағы жүргінші аймағы кеңейеді, көлік тұрағы жіңішкереді.
Жайлы қала кеңістігін құру мақсатында мегаполис басшысы Асқаров көшесі бойында тротуар құрылысын бастауды тапсырды. 

Еске салайық, биылғы жазда Алматыда 150 көше жөнделеді, 30 шақырым тротуарлар жасалады, 600 аула көріктендіріледі. Барлық жер асты өтпелі жолдар күрделі жөнделеді, жаңа фонтандар салынады. Бұрын қайта жасалған Панфилов, Жібек Жолы, Гоголь, Қабанбай батыр, Байсейітова, Төлебаев көшелері мен "Астана" алаңынан өзге мегаполистің бірқатар негізгі даңғылдары түгелдей жаңарады.


Суреттер шаһар әкімдігінің баспасөз қызметінен

Читайте также
Join Telegram

Валюта бағамы

 449.57   483   4.85 

 

Ауа райы

 

Редакция Жарнама
Социальные сети