Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Березовкадағы балалардың жаппай улануына мұнайшыларды айыптауға ерте - Қарабалин

03 Желтоқсан 2014, 17:18
0
Ұзақбай Қарабалин. Фото ortcom.kz сайтынан
Ұзақбай Қарабалин. Фото ortcom.kz сайтынан
Фото mgorod.kz сайтынан
Фото mgorod.kz сайтынан

Энергетика министрінің бірінші орынбасары Ұзақбай Қарабалин Березовкадағы балалардың жаппай улануына мұнайшыларды кінәлауға ерте деп есептейді. Ол бүгін Астанада Президент жанындағы Орталық коммуникациялар қызметінің брифингінде өткен аптада жаппай талып қалып ауруханаға жеткізілген оқушыларға қатысты мәлімдеме жасады, - деп хабарлайды Tengrinews.kz.

"Қазіргі таңда ол жердің ауасынан, топырағынан және тағы да басқа да заттардан сынама алу жұмыстары жүргізіліп жатыр, сөйтіп оларға ненің ықпал еткенін анықтауымыз керек. Әдеттегідей, ең жеңіл нұсқа - кен орындары кінәлі деп, айту. Бүгінге дейін мұндай пікірге қатысты ешбір негіз анықталған жоқ. Жұмыс сол жерде жүріп жатыр. Жапа шеккендер, ауруханаларда жатыр, ем жасалып, анализдер тапсырылды. Менің ойымша, сол жерде жұмыс жасап жатқан комиссия, ең негізгі себепті анықтауы тиіс және содан кейін тұжырым жасауға болады", - деді брифингте Ұзақбай Қарабалин.

Еске сала кетейік, биыл 28 қарашада Батыс Қазақстан облысындағы Березовка ауылының мектебінде 20 баланың бірінен кейін бірі талып қалғаны хабарланған болатын. Сол кезде жергілікті ауруханаға 19 оқушы мен үш мұғалім жеткізілді. Барлығының ауру белгілері бірдей: бастың айналуы мен құрысу. Дәрігерлер "зорығу" деген алдын ала диагнозды белгіледі. Дәрігерлер қойған тағы бір диагноз - "баллоншадан шашылған газдан улану". Жергілікті тұрғындар оқиғаға себеп болып отырған өңірдегі экологиялық жағдай екеніне сенімді: Березовка ауылы дәл Қарашығанақ кен орнының маңында орналасқан.

Оқиғадан кейін Березовка тұрғындары Елбасыға хат жазып қойғандарын хабарлады, хатта оларды қауіпсіз аймаққа көшіру туралы өтініш айтылған. Бүгінгі таңда Березовкада 400 үй бар, ауылда 1500 адам тұрады. 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай