+7 (777) 001 44 99
ПОДЕЛИТЬСЯ
Батыс Қазақстан облысы басшылығының "Нұр Отан" партиясына мүшелік жарна бойынша берешегі бар. Бұл туралы Партиялық бақылау комитетінің отырысында Парламент Сенатының депутаты, Партиялық бақылау комитетінің мүшесі Владимир Редкокашин мәлім етті, - деп хабарлайды Tengrinews.kz тілшісі.
Батыс Қазақстан облысы басшылығының "Нұр Отан" партиясына мүшелік жарна бойынша берешегі бар. Бұл туралы Партиялық бақылау комитетінің отырысында Парламент Сенатының депутаты, Партиялық бақылау комитетінің мүшесі Владимир Редкокашин мәлім етті, - деп хабарлайды Tengrinews.kz тілшісі.
"2013 жылдың төртінші тоқсанында мүшелік жарнаны төлеу бойынша берешек БҚО әкімі, партияның облыстық филиалының төрағасы Нұрлан Ноғаевта, облыс әкімінің бірінші орынбасары Серік Шәпкеновте, облыс әкімінің орынбасары Ербол Салықовта (қазіргі облыс әкімінің көмекшісі), облыс әкімі аппаратының басшысы Марат Тоқжановта және басқаларында болған", - деді В.Редкокашин.
Владимир Редкокашиннің айтуына қарағанда, 2014 жылдың тамыз айында партия орталық аппаратының жұмыс тобы және комитет Батыс Қазақстан облысындағы филиалына барып, партиялық органның жұмысымен жан-жақты танысып қайтқан.
"Партияның облыстық филиалында сыбайлас жемқорлыққа қарсы және партиялық тәртіпті сақтау, сондай-ақ мүшелік жарнаны уақыты төлеу жұмыстары айрықша жүргізілді. Алты айда жүргізілген жұмыстың нәтижесінде, партияның 24 мүшесі жауапкершілікке тартылды, оның ішінде жетеуі - жемқорлығы үшін жазаланды. Сонымен бірге басқа да кемшіліктер мен қателіктер бар. Партияның ең маңызды талаптарының бірі - мүшелік жарнаны уақытында жинау", - деді В.Редкокашин.
Оның айтуынша, ағымдағы жылы партияның мүшелері 25 мыңға азайған. Оған партиялық тәртіпті бұзу, жарғыдағы талаптарды орындамау, сондай-ақ сыбайлас жемқорлыққа жол беру жағдайлары басты себеп болып отыр. "Заң бұзушылыққа жол бергендер партиядан шығарылады. Әрбір жағдай мұқият тексерілетін болады", - деді ол.
