+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
"Атамекен" ҰКП, жоғары оқу орындарының қауымдастығы, білім саласы қызметкерлердің кәсіби одағы, ЖОО ректорлары және мемлекеттік органдар өкілдерінен құралған Мемлекеттік білім гранттарын тағайындау жөніндегі республикалық конкурстық комиссия өз жұмысын аяқтады, - деп хабарлайды Tengrinews.kz тілшісі ҚР БҒМ және ҚР ДСМ баспасөз қызметіне сілтеме жасап.
"Атамекен" ҰКП, жоғары оқу орындарының қауымдастығы, білім саласы қызметкерлердің кәсіби одағы, ЖОО ректорлары және мемлекеттік органдар өкілдерінен құралған Мемлекеттік білім гранттарын тағайындау жөніндегі республикалық конкурстық комиссия өз жұмысын аяқтады, - деп хабарлайды Tengrinews.kz тілшісі ҚР БҒМ және ҚР ДСМ баспасөз қызметіне сілтеме жасап.
Комиссия жұмысының қорытындылары бойынша жоғары оқу орындарына түсуге, резервті қосқанда, 34 907 білім грантын бөлінген. Медицина мамандықтары бойынша барлығы 3794 грант бөлінген.
"Соның ішінде "Алтын белгі" иегерлеріне - 4664, жетім және ата-ана қамқорлығынсыз қалған балаларға 551, мүгедектерге 367, жеңілдіктері барлармен теңестірілгендер және соғысқа қатысқан кепілдігі бар ата-ананың балаларына 42 грант және т.б. Сонымен бірге биыл алғаш рет физика, химия, биология және информатика пәндерін ағылшын тілінде оқытатын болашақ мұғалімдерге 642 білім грантын бөлу ұйғарылды", - делінген хабарламада.
Білім гранттарының талапкерлердің ұлттық бірыңғай тестілеуден алған балдары және таңдаған мамандығы бойынша кешенді тестілеуден алған балдары бойынша, сондай-ақ, заңда белгіленген санаттағылар үшін қарастырылатын жеңілдіктерді ескеріліп бөлінгені айтылады.
БҒМ өкілдерінің айтуынша, бүгінгі таңда білім грантының тағайындалғанын растайтын куәліктер, оның ішінде медицина мамандықтарына қатысты күәліктер де, ЖОО қабылдау комиссияларына жолданған.
"ҚР Денсаулық сақтау министрлігі грант иелерінің, соның ішінде медицина мамандықтарына бөлінген қосымша білім гранттарын иеленгендердің, жоғары оқу орнына түсу құқығын сақтау және оларға толыққанды оқуға оңтайлы жағдай жасау үшін барлық қажетті шаралар қолдануда", - делінген хабарламада.
Сонымен қатар, жоғары білім алу мүмкіндіктерін беретін білім гранттарын алғашқы рет жергілікті бюджеттер есебінен тағайындалып отыр екен. Биыл Атырау облысында - 222, Шығыс Қазақстан - 200, Қызылорда - 150, Ақмола - 100, Алматы облыстарында - 100 білім гранты тағайындалыпты.
Білім грантары бойынша және ақылы негізде жоғары оқу орнына түсушілерді жоғары оқу орындарына қабылдау үстіміздегі жылдың 28 тамызына дейін жүргізіледі.
