Бозымбаев Астананы тұмшалаған түтіннің себебін айтты

21 Желтоқсан 2017, 09:29
0
Бозымбаев Астананы тұмшалаған түтіннің себебін айтты - © Тұрар Қазанғапов
© Тұрар Қазанғапов

Энергетика министрі Қанат Бозымбаев елорданы газдандыру бойынша жоспарларды айта отырып, Астанада көмір отынын қолдану тоқтатылса, қалада түтіннің болмайтынын айтты, - деп хабарлайды Tengrinews.kz тілшісі.

Министр үкімет отырысынан тыс уақытта Астанадағы түтіннің оған да қолайсыздық жасап жатқанын айтып өтті. Алайда ол "Жасыл белдеу" жобасының қаланың газбен ластануына себепші болмайтынын айтты.

"Мұнда шешім - отынды ауыстыру, яғни, Астанада көмір отынын қолдануды тоқтату. Бірақ бұл үшін тиімді бағамен газ әкелу керек. Осыған байланысты жұмыстар жүргізіліп жатыр, бірінші вице-премьер осы мәселені талқылап жатыр. Қостанайда немесе Ақтөбеде сұйытылған табиғи газ шығаратын зауыт ашып, сосын оны осында жеткізіп тұру керек", - деп ұсынды министр.

Сондай-ақ, оның айтуынша, "ҚазТрансГаз" ұсынып отырған газ құбыры құрылысынан кейін жылу бағасы айтарлықтай қымбаттауы мүмкін. Сондықтан ол қазір басқа да нұсқалардың қарастырылып жатқанын айтып өтті.

Бозымбаев, сонымен қатар, қаладағы түтіннің пайда болуына жылу орталығын кінәламауды айтты. Айтуынша, бұған себеп көбіне жеке секторлардың шығарып жатқан қоқыстары.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай