БҰҰ Қазақстанға электронды үкіметті дамытуға көмектеседі

01 Қазан 2014, 12:30
0
БҰҰ Қазақстанға электронды үкіметті дамытуға көмектеседі - ©atiten.com
©atiten.com

БҰҰ Қазақстанға электронды үкіметті дамытуға көмектеседі, - деп хабарлайды Tengrinews.kz тілшісі. Бүгін Мәжіліс "Қазақстан үкіметі мен БҰҰ арасындағы техникалық ынтымақтастықтың мақсатты қоры туралы Келісімді ратификациялау" туралы заң жобасын мақұлдады.

Мәжілістің халықаралық істер, қорғаныс және қауіпсіздік комитетінің қорытындысында айтылғандай, келісімнің мақсаты - электронды үкімет және мемлекеттік басқару саласында әлеуетті арттыру, электронды үкіметті дамыту тәжірибесін дамушы елдерде насихаттау, "ақылды басқару мен ақылды үкіметті ілгерілету" жөнінде мүдделі тараптар, оның ішінде, саясаткерлер, халықаралық және аймақтық ұйымдар, ғылыми қауым мен жеке сектор өкілдері арасында ынтымақтастық пен аймақаралық тетіктерді дамытуды күшейту.

"Келісімді іске асыру құны - 500 мың доллар, ол ҚР "2014-2016 жылдарға арналған республикалық бюджет туралы" заңында қарастырылған", - делінген қорытындыда.

Келісім мақсатына жетуде елдердің электронды үкімет бойынша озық тәжірибесі, үрдістер, шешімдер бойынша жоғары басшылықтың білімдерін жетілдіру және жоғары басшылықтың алған білімдері мен тәжірибесін электронды үкіметті дамытудың инновациялық стратегиясын жасауға бейімдеу үшін олардың міндеттемелерін жаңарту көзделіп отыр.

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай