1. Басты
  2. Біл
  3. Жаңалықтар
  4. Ел жаңалықтары

ДСМ тегін дәрі-дәрмекті қалай алуға болатынын түсіндірді03 қаңтар 2018, 12:03

© Тұрар Қазанғапов © Тұрар Қазанғапов

Денсаулық сақтау министрлігі мемлекеттік тегін медициналық көмекпен қамтамасыз ету бағдарламасы аясында дәрі-дәрмекті ақысыз қалай алуға болатынын түсіндірді, - деп хабарлайды Tengrinews.kz тілшісі. 

"Амбулаториялық деңгейде тегін рецепт алу үшін науқас емханада тіркелген, диспансерлік есепте тұруы керек. Ал ол туралы ақпарат тіркеу реестрінде болуы қажет", - делінген министрліктің Facebook желісінде жарияланған инфографикасында. 

Мұның алдында 2018 жылы Астана емханаларындағы дәріханалардан тегін дәрі-дәрмек алуға болатыны хабарланған. Бұл қала дәріханаларындағы ұзын-сонар кезектен құтылуға мүмкіндік беруі тиіс. 

Еске салайық, денсаулық сақтау министрі Елжан Біртанов тегін дәрілердің тізімі қысқарғаны туралы ақпаратты жоққа шығарған болатын. "Керісінше, қайта дәрілер тізімін толықтырдық, әсіресе сирек дертке шалдыққан балалар үшін", - деген болатын Біртанов. 

2017 жылдың соңында Біртанов пациенттерге жеңілдікпен берілетін дәрілерді "Қазпошта" арқылы жеткізу жоспары туралы айтқан.