Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Дүниежүзі қазақтарының қауымдастығы оралмандарға қатысты заңды тезірек қабылдауды сұрайды

20 Мамыр 2014, 13:13
0
news.headline.kz
news.headline.kz
Фото Тhenews.kz
Фото Тhenews.kz

Бүгін Мәжілістегі Әлеуметтік-мәдени даму комитетінің отырысында Дүниежүзі қазақтарының қауымдастығы Төрағасының орынбасары Талғат Мамашев оралмандар азаматтығына қатысты заңды тездетуді сұрады, деп хабарлайды Тенгриньюс тілшісі.

"Парламент оралмандар азаматтығына қатысты заңды тездетуі керек. Өткен жолы Ресей Қырымдағы жағдай аясында азаматтық алуға қатысты заңды бір күннің ішінде қабылдады. Соған орай, өтініш берген адам бір күннің ішінде Ресей азаматтығын ала алады. Бұл біз үшін де аса қажет тәжірибе. Өйткені, Қазақстанның көші-қон туралы заңнамасын өзгерту ұзаққа созылып кетуі мүмкін. Қазрдің өзінде заң жобасы шілдеде Үкімкетке ұсынылып, оны қабылдау келер жылға қалатыны туралы айтылып жүр", - деді Талғат Мамашев ішкі және сыртқы көші қон проблемалары талқыланған Мәжілістегі отырыста.

"Мәжіліс депутаттарынан сұрарым, осы заң жобасын тездетейік. Кезінде оралмандар азаматтығына кедергі жасайтын заңды бір ғана күннің ішінде қабылдадыңыздар ғой, ендеше сондағы олқылықты түзетуді де бір айдан асырмасақ екен", - деген тілегін білдірді қауымдастық Төрағасының орынбасары.

Сонымен қатар, сөз арасында Талғат Мамашев бұған дейінгі оралмандар азаматтығына қатысты қабылданған заң бойынша Парламент депутаттарына өз ренішін де айтып қалды. Оның айтуынша, көші-қон саласында әсіресе этникалық қандастардың отанына оралу мәселесінде кемшіліктер болды. "Алайда, Президенттің осы кемшіліктерді орнына қойыңдар деген тапсырмасын біздің кейбір органдағы ағайындар көші-қонды біржолата тоқтатуға дейін барып отыр. Соның ішінде, шетелдегі біраз ағайындардың Парламенттегі депутаттарға да өкпесі қара қазандай. Бұл мәселемен экономика министрі депутаттар алдына келгенде, бір де бір депутат "бұл қалай?"  деп сұрамады", - деген ренішін де алға тартты Т. Мамашев.

Сонымен қатар, оралмандар азаматтығына қатысты мәселеге келгенде қауымдастық өкілі бірқатар ұсыныстарды да алға тартты. Оның айтуынша, қазір келіп жатқан оралмандарды қинап жүрген - көші-қон полициясы.

"Шеттен келетіндер үшін кедергілер болғанына қарамастан Атажұртына асығатындар баршылық. Ал солардың өзіне түрлі анықтамаларды үйіп-төгіп сандалтудың қажеті қанша? Қытайдан сотталмағаның туралы анықтама әкел, тұрғылықты орыннан есептен шыққаның туралы анықтама керек деген секілді ақымақ талаптарды қойып, қандастарды жылатып жатыр. Ал ондай талап ешбір заңда көрсетілмеген. Мұны тоқтатуымыз керек", - деді Т. Мамашев.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай