Елбасы "Хилтон" қонақ үйінің ашылу рәсіміне қатысты

25 Тамыз 2017, 22:10
0
Елбасы "Хилтон" қонақ үйінің ашылу рәсіміне қатысты - © akorda.kz
© akorda.kz

Мемлекет басшысы "Астана ЭКСПО-2017" көрме кешенінің аумағында орналасқан бес жұлдызды "Хилтон" қонақ үйінің салтанатты ашылу рәсіміне қатысты, - деп хабарлайды Tengrinews.kz тілшісі Ақордаға сілтеме жасап.

Рәсім соңында Нұрсұлтан Назарбаев Ресей, Корея, Түрікменстан, Өзбекстан, Франция және Біріккен Араб Әмірліктері елдерінің ұлттық павильондарын аралап көрді.

Қазақстан Президенті Ресей павильонында елдің энергетикадағы жетістіктерін және Арктика жағдайында болашақтың энергетикалық идеяларын көрсететін экспозициялармен танысты.


© akorda.kz

Өзбекстан павильонында Мемлекет басшысына бұл елдің ғылыми-өндірістік жетістіктері мен технологиялық жобалары, соның ішінде көлік жасау саласында қолданылатын "Электрокарт" эксперименттік платформасы көрсетілді.

Сондай-ақ, Нұрсұлтан Назарбаев Түрікменстанның ұлттық павильонында дербес гелиобиологиялық қалдықсыз кешеннің макетін көрді.

Қазақстан Президентіне Біріккен Араб Әмірліктерінің жаңартылатын энергетика саласындағы жетістіктері жөнінде баяндалды.


© akorda.kz

Мемлекет басшысына Корея павильонында "Ақылды энергетикалық микрожелі" құрылғысы мен энергия үнемдеу жүйесінің жұмысы таныстырылды.

Сонымен қатар, Нұрсұлтан Назарбаев Францияның жаңартылатын энергия көздерін және «ақылды қалалар» мен экомобильділікті дамыту салаларындағы жетістіктерімен танысты.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай