+7 (777) 001 44 99
ПОДЕЛИТЬСЯ
ҚР Инвестиция және даму министрі жыл соңына дейін ұшақпен жол жүру бағасы айтарлықтай төмендейтінін мәлімдеді, - деп хабарлайды КТК телеарнасы. Осыған байланысты биыл әуедегі апаттың салдарын тергеп, тексеретін жаңа мемлекеттік орган құрылады.
ҚР Инвестиция және даму министрі жыл соңына дейін ұшақпен жол жүру бағасы айтарлықтай төмендейтінін мәлімдеді, - деп хабарлайды КТК телеарнасы. Осыған байланысты биыл әуедегі апаттың салдарын тергеп, тексеретін жаңа мемлекеттік орган құрылады.
Жеңіс Қасымбектің айтуынша, елімізде керосин тапшы екен. Сондықтан билеттің бағасы да жоғары.
"Керосиннің 60 пайызын шетелден тасымалдаймыз. Ал билет құнының 30 пайызы жанармай бағасына байланысты. Еліміздегі мұнай өңдейтін зауыттар қайта іске қосылған соң тапшылықтан құтыламыз. Отандық ұшақтарға жылына 800 мың тонна керосин керек", - деді министр.
Яғни, жыл соңына қарай әуекомпанияларына билетті арзандату туралы талап қойылады. Егер бағаны төмендетуден бас тартса, бағытты басқа тасымалдаушыларға береміз дейді министр. Сондай-ақ, сенаторлар жиілеп кеткен ұшақ апаттарына қатысты тексеруді сиырқұйымшақтандырып, нақты себебін жариялаудан қашатын шенеуніктерге де шүйлікті. Бұл ретте Мұхтар Алтынбаев әуедегі қауіпсіздік пен төтенше жағдайларды зерттейтін бөлек орган құруды ұсынды.
Сондай-ақ, министр азаматтық авиация комитеті әуе кеңістігінде болған апатты, төтенше жағдайды тексеру жұмыстарына араласпайтынын айтты. "Оған комитеттің еш қатысы жоқ. Ал көлік прокуратурасының талаптарына қатысты дәлел, уәжіміз бар", - деді Қасымбек. (Дереккөз: КТК)
