Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.58
EUR / KZT - 390.38
CNY / KZT - 49.85
RUB / KZT - 5.63

Елордада жаңа жағажай пайда болады

19 Маусым 2015, 14:05
0
©Тұрар Қазанғапов
©Тұрар Қазанғапов

Астанада жаңа жағажай пайда болады, - деп хабарлайды Tengrinews.kz тілшісі елорда әкімдігінің баспасөз қызметіне сілтеме жасап.

Астана қаласы Табиғи ресурстар және табиғат пайдалануды реттеу басқармасының мәліметіне сәйкес, елордада жаңа жағажайдың құрылысы жүзеге асырылады. "Жазғы демалыс орны Күйгенжар ауылында салынады. Сыйымдылығы 2250 адамға арналады", - делінген хабарламада.

Қазіргі уақытта жоба мемлекеттік сараптамадан өткізілу үстінде, қорытынды 10 шілдеде шығады деп күтіліп отыр. Ал келесі жылдан бастап пайдалануға беріледі.

Басқарма мәліметінше, жағажайдың бірнеше аумағы болады. Бірінші аумаққа жалпы ауданы 2,05 гектарлық акватория және ұзындығы 470 метрлік жағалау кіреді. Екінші аумаққа жалпы ауданы 1,46 гектар болатын құмшауыт жағажай енеді. Ол жерде шезлонг, қолшатыр, кереует секілді барлық қажеттіліктер орнатылады. 

Жағажайда мүмкіндігі шектеулі жандардың суға түсуі де қарастырылады. Осы мақсатта арнайы пандус жасалады. Балалар үшін тереңдігі 0,5-0,7 метрден аспайтын суға түсу аумаға болады. Қауіпсіздік мақсатында жағалау бойында құтқару мұнаралары салынады.

Сонымен қатар, тағы бір қосымша аумақ жасау көзделген. Оған халыққа қызмет көрсету мекемелері, демалыс орындары, үйлер, жасыл алқап, медпункт, құтқарушылар бекеті енеді. Белсенді демалысы ұнататындар үшін спорттық аумақ салынады. Бұл аумақта стритбол, үстел теннисі, скейтбординг, волейбол, шағын футбол, бадминтон секілді бұқаралық спорт түрлерімен шұғылдануға болады.

 

Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай