Реклама +7(700) 388 81 09
  1. Басты
  2. Біл
  3. Жаңалықтар
  4. Ел жаңалықтары

Ербол Орынбаев ҚР Президентінің көмекшісі қызметінен босатылды 24 тамыз 2015, 20:36

Данияр Ақышевқа Қазақстан Республикасы Президентінің көмекшісі міндетін уақытша атқару жүктелді.
  • ПОДЕЛИТЬСЯ
  • Қате таптыңыз ба?

Ербол Орынбаев. © Akorda.kz Ербол Орынбаев. © Akorda.kz

Ербол Орынбаев ҚР Президентінің көмекшісі қызметінен босатылды, - деп хабарлайды Tengrinews.kz тілшісі Ақордаға сілтеме жасап.

"Мемлекет басшысының Жарлығымен Ербол Тұрмаханұлы Орынбаев Қазақстан Республикасы Президентінің көмекшісі қызметінен босатылды", - делінген хабарламада.

Мемлекет Басшысының Өкімімен Қазақстан Республикасы Президенті Әкімшілігінің Әлеуметтік-экономикалық мониторинг бөлімінің меңгерушісі Данияр Талғатұлы Ақышевқа Қазақстан Республикасы Президентінің көмекшісі міндетін уақытша атқару жүктелді.

Айта кетейік, Ербол Орынбаев Қазақстан Президентінің көмекшісі қызметінде 2013 жылдан бері болды. Бұл тағайындауға дейін ол Қазақстан премьер-министрінің орынбасары болып қызмет атқарған, сонымен қатар ел премьер-министрінің кеңсе жетекшісі болып екі мәрте тағайындалған еді. Әр жылдары Орынбаев Президент Әкімшілігінде жұмыс істеді. 2006-2007 жылдары Президент Әкімшілігінің басшысының орынбасары болды. 2002 жылы республиканың экономика және бюджеттік жоспарлау жөніндегі министрінің орынбасары қызметін атқарды.

  • ПОДЕЛИТЬСЯ

Join Telegram