Есіктегі Сақ қорғаны аймағына мектеп салынбайтын болды

05 Наурыз 2014, 20:30
0
Есіктегі Сақ қорғаны аймағына мектеп салынбайтын болды - Археолог Бекмұханбет Нұрмұханбетов қорғауға алынған аймақты көрсетіп жатыр.  ©Дмитрий Хегай
Археолог Бекмұханбет Нұрмұханбетов қорғауға алынған аймақты көрсетіп жатыр. ©Дмитрий Хегай
Есіктегі Сақ қорғаны аймағына мектеп салынбайтын болды - Бекмұханбет Нұрмұханбетов "Алтын адамды" тапқан экспедицияның қатарында болған. ©Дмитрий Хегай
Бекмұханбет Нұрмұханбетов "Алтын адамды" тапқан экспедицияның қатарында болған. ©Дмитрий Хегай
Есіктегі Сақ қорғаны аймағына мектеп салынбайтын болды - Сақ қорғаны. ©Дмитрий Хегай
Сақ қорғаны. ©Дмитрий Хегай
Есіктегі Сақ қорғаны аймағына мектеп салынбайтын болды - Қорғауға алынған аймақ. ©Дмитрий Хегай
Қорғауға алынған аймақ. ©Дмитрий Хегай
Еңбекші ауданының әкімшілігі Сақ қорғаны орналасқан жерге мектеп салмайтын болды. Бұл туралы Tengrinews.kz тілшісіне аудан әкімінің орынбасары Нұржан Құдайбергенов айтып берді. Осы жерде атақты "Алтын адам" табылған болатын.

Әкімшілік бақылауға алынған аймаққа тиіспей, құрылысты қорықтан 100 метр қашықтықта жүргізуді жөн көріпті. Оның үстіне бұл жерде мемлекеттің қарамағындағы "Есік" атты тарихи-мәдени мұражай да орналасқан. "Құрылысшылар қазаншұңқырды қазуды бастаған кезде мұражай өкілдері келіп, олардың аймақтарына өтіп кетпеуін бақылауларына болады. Сондай-ақ мұражай жаңа салынған мектепті қамқорлыққа алып, оқушыларға тарихты оқытуға көмектесетін болады", - дейді Құдайбергенов.

Құдайбергеновтың айтуынша, Есікте оқу орындарының жетіспеушілігі қатты білінеді екен. "Міндетті түрде мектеп салу керек. Біз күн сайын 1600-ден астам оқушыны басқа аудандардың мектептеріне алып барамыз. Ол үшін алты автобус жұмыс жасайды. Егер жаңа мектеп салатын болсақ, бұл шығынды едәуір азайтатын еді", - дейді орынбасар. Сонымен қатар ол 640 оқушыны қабылдай алатын жаңа мектептің құрылысы 2015 жылы басталатынын қоса кетті.

Алдын-ала болжам бойынша мектеп қорғауға алынған аймаққа салынады деп жоспарланған еді. Бірақ, мұндай шешімге археолог Бекмұханбет Нұрмұханбетов қарсы шыққан. Ол "Алтын адамды" тапқан экспедицияның қатарында болған екен. Ғалымның айтуынша, аудан басшылары жаңа мектепті көбісі әлі зерттелмеген зираттардың үстінен салмақшы болған.

Айта кетейік, қорғауға алынған аймақтың шекарасы 2010 жылы бекітілген. Бұл аймақта ескі зираттар мен қалашықтар бар. Дәл осы жерде сақ қорғанынан табылған артефакттарға арналған мұражайда орналасқан. Сол мұражайға атақты қалпына келтіруші Қырым Алтынбаев жасаған "Алтын адамның" көшірмесі қойылған.






  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай