+7 (777) 001 44 99
ПОДЕЛИТЬСЯ
Ауа райының қолайсыздығына байланысты "Эйр Астана" әуе компаниясының Алматы - Ақтау рейсі 10 сағатқа кешіктіріліп жатыр - ұшақ мәжбүрлі түрде Атырауға қонды, - деп хабарлайды Tengrinews.kz тілшісі.
Ауа райының қолайсыздығына байланысты "Эйр Астана" әуе компаниясының Алматы - Ақтау рейсі 10 сағатқа кешіктіріліп жатыр - ұшақ мәжбүрлі түрде Атырауға қонды, - деп хабарлайды Tengrinews.kz тілшісі.
Алматы-Ақтау-Алматы 859/860 рейсі Ақтауға 1 сәуір күні сағат 21.30-да қонуы тиіс болған. Алайда қалың тұманның кесірінен экипаж ұшақты Атыраудағы аэродромға қондыру жөнінде шешім қабылдады.
"Бастапқыда Алматы-Ақтау-Алматы рейсі ауа райының қолайсыздығына байланысты кешіктірілді, кейін экипаждың жұмыс уақыты аяқталды. Қазір Атырауға Астанадан жаңа экипаж ұшып шықты", - деді "Эйр Астана" әуе компаниясының баспасөз қызметінің басшысы Белла Тормышева.
Ақтау әуежайының анықтама қызметіндегілердің хабарлауынша, бұл рейс бүгін, 2 сәуір күні сағат 11.30-да ұшып келеді деп жоспарланған. Сонымен қатар, қазіргі таңда Ақтауға ұшу үшін 149 жолаушы күтіп отыр.
