"Эйр Астана" Жезқазғанға ұшатын рейстерін тоқтатады

07 Сәуір 2015, 17:29
0
"Эйр Астана" Жезқазғанға ұшатын рейстерін тоқтатады - @Wikipedia.org
@Wikipedia.org

"Эйр Астана" әуе компаниясы 2015 жылдың 1 мамырынан бастап Жезқазғанға ұшатын рейстерін тоқтатады, - деп хабарлайды Tengrinews.kz тілшісі әуетасымалдаушы компанияның баспасөз қызметіне сілтеме жасап.

Жезқазған әуежайының ұшу кезіндегі іздеу және апаттық-құтқаруды қамтамасыз ету қызметі Қазақстан стандартына сәйкес келмейді. Сол себепті компания осындай шешімге келген. "Өткен жылдың ақпан айында компанияның техникалық қызметкерлері іздеу және апаттыщ құтқару қызметкерлерінің саны қалыптыдан аз және үш өрт сөндіру көлігінің орнына бір ғана көлік бар екенін анықтады", - дейді "Эйр Астана" компаниясындағылар.

Әуе компаниясы әуежай басшылығына қалыпты стандартқа сай жұмыс жасамай отырғандарын ескерткен. Дегенмен, Жезқазған әуежайы басшылығы ол кемшіліктерді жөндемепті. "Әуекомпания шығарған шешім үшін өкінеді және сатылған билеттердің құнын толық өтеп береді", - деп қосты "Эйр Астана" компаниясындағылар.

Еске сала кетейік, бұған дейін компания "Астана-Сеул" бағытындағы рейсі 2015 жылдың маусымында ашылатынын хабарлаған болатын. Рейс аптасына екі рет қатынайды. Сонымен қатар, Сеулден Алматыға қатынайтын рейс те жаңартылады.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай