Исекешевке Астанада құбырда ұйықтап жатқан үйсіздер көрсетілді

04 Шілде 2017, 15:34
0
Исекешевке Астанада құбырда ұйықтап жатқан үйсіздер көрсетілді - видеодан скриншот
видеодан скриншот

Астана әкімі Әсет Исекешевке жергілікті тұрғын шағымданып, қаладағы түрғын үйлердің аулаларында үйсіздердің өріп жүргенін, олардың көше ортасында ұйықтап жататынын айтты, - деп хабарлайды Tengrinews.kz тілшісі. 

Бейбітшілік көшесіндегі №31 үйдің тұрғыны Қайрат Құдайбергенов №28 үйдің ауласындағы оқиғаны видеоға түсіріп, оны Facebook желісіне жүктеген. Ол видеода Әсет Исекешевтің атын атап, белгісіз біреулердің аулада жайылып тұрған жуылған киімді ұрлап кеткенін айтып шағымданды. Сонымен бірге, ол үйсіздердің аулаға қоныстанып алғанын да көрсетті. Видеоның күндізгі уақытта түсірілгеніне қарамастан, ондағы адамдардың барлығы шыр ұйқыда жатыр. 

Әлеуметтік желіде жарияланған видео бойыншақала әкімі бірден әрекетке көшті. Кейінірек Ішкі істер департаментінің өкілдері де видеоға жауап жазды. 

"Полицейлер сол аумақта рейд жүргізіп, құбыр үстінде ұйықтап жатқан адамдар Бейбітшілік және Жангелдин көшелеріндегі үйлердің тұрғындары екенін анықтады. Олардың екеуі бұрын Астананың есірткіге тәуелділік пен психиатрия оталығында мәжбүрлі түрде емделген. Бұл адамдар медициналық куәләндіру алу үшін орталыққа жеткізілді. Ролик авторының заттары жоғалғаны туралы арызы қабылданды. Қылмыстың бетін ашу бойынша тергеу жүріп жатыр", - дейді Астана ІІД-нің баспасөз хатшысы Софья Колышбекова.

Ролик авторы Қайрат Құдайбергенов бүгін Facebook желісінде жаңа видео жариялап, Астана әкіміне мәселенің жылдам шешілгеніне алғысын білдірді. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай