Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.58
EUR / KZT - 390.38
CNY / KZT - 49.85
RUB / KZT - 5.63

Италия Астанаға тікелей әуе рейсін ашуды жоспарлап отыр

10 Қараша 2014, 13:10
0
©Тұрар Қазанғапов
©Тұрар Қазанғапов

Италия Астанаға тікелей әуе рейсін ашуға ниетті, - деп хабарлайды Tengrinews.kz Италиялық компанияларды шетелге жылжыту және интернационализация жөніндегі агенттіктің президенті Риккардо Монтиге сілтеме жасап. 

"Біз тікелей байланыстың жоқтығы мәселесін шешу үшін жұмыс жасаймыз. Қазіргі уақытта біз Астанаға тікелей рейс ұйымдастырумен айналысып жатырмыз", - деді Монти Қазақстан-Италия форумында. Мұнымен бірге, Монти қазақстандық кәсіпкерлерді Милан қаласында өтетін EXPO-2015 халықаралық көрмесіне шақырды. 

"Біз Қазақстаннан кәсіпкерлерді Миланға EXPO өтетін алты ай уақытқа ғана емес, сонымен қатар италиялық түрлі кластерлерге шақырамыз, онда өндірістің белгілі бір салалары дамып жатыр", - деді ол.

Астанада Қазақстан-Италия форумы өтіп жатыр. Оны Қазақстан премьер-министрі Кәрім Мәсімов ашты. Ол қонақтармен итальян және ағылшын тілдерінде сәлемдесіп, Италия өкілдерін Астанада өтетін EXPO-2017 көрмесіне қатысуға шақырды. Италиялық делегация құрамында 80 компания бар, олар агроөнеркәсіп кешенін, тоқыма өнеркәсібін, құрылыс индустриясын ұсынады. Қазақстандық тараптан ұлттық компаниялар мен салалық ұйымдардың 200-ге жуық өкілі қатысып жатыр. 

Сонымен бірге, италиялық компаниялардың бірі Қазақстанда құбыр өндіретін кәсіпорын ашып жатқаны белгілі болды. Бұл құбырлар Ақтаудағы арнайы экономикалық аймағы аумағында орнатылады. "Инвестицияның сомасы шамамен - 40 миллион доллар, бұл бірінші фаза. Жүзге жуық жұмыс орны ашылады. Құрылыс 2015 жылдың наурызында басталып, өндіріс 2016 жылдың бірінші тоқсанында басталады", - деді журналистерге ҚР Инвестициялар және даму министрлігінің Инвестициялар жөніндегі комитетінің төрағасы Ерлан Қайыров. 

Ресми деректерге сәйкес, 2013 жылы Италиямен екі жақты тауар айналымы - 16,2 миллиард доллар (экспорт - 15,2 миллиард, импорт - 993 миллион). Осы жылдың қаңтар-шілде аралығында көрсеткіш 11,7 миллиард долларға жетті (экспорт - 10,4 миллиард, импорт - 588,4 миллион).

Қазақстанда италиялық тараптың қатысуымен 178-ге жуық бірлескен кәсіпорын жұмыс істейді.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай